قۇرمەتتى ب.ماشبەكۇلى! جالپى مەملەكەتتىك قىزمەت اياسى «اشىق، ءمولدىر بولسىن» دەسەك تە كەيدە بيلىك باسىندا وتىرعاندار مەملەكەتتىڭ زاڭىنا قاتىستى زاڭنان تىس جازىلماعان زاڭداردى ويلاپ تاۋىپ جاتادى. وسىعان وراي ءبىزدىڭ دە اقتوبەدە مەملەكەتتىك قىزمەتكەرلەر تارپىنان قولدانىستاعى ەڭبەك كودەكسىنە وزگەرىستەر ەنگىزۋ ورىن الىپ وتىر. وندايلاردىڭ مۇنداي «شەبەرلىگىنە» ءبىز سۇعا المايسىڭ. كەز كەلگەن مەملەكەتتىك قىزمەتكەر، جۇمىس بەرۋشى قر ەڭبەك كودەكسىنىڭ 23 - بابى 2 -تارماعىنىڭ 1- تارماقشاسىنا سايكەس جۇمىس بەرۋشى قازاقستان رەسپۋبليكاسى ەڭبەك زاڭناماسىنىڭ تالاپتارىن ساقتاۋعا مىندەتتى.

سەبەبى، جۇمىس بەرۋشىنىڭ زاڭسىز اكتىسىن قازاقستان رەسپۋبليكاسىنىڭ كونستيتۋتسياسىنا جانە زاڭدارىنا، سونداي-اق ەڭبەك زاڭناماسىنا سايكەس كەلتىرۋ (سايكەستەندىرۋ) نورماسى 2016 جىلعى 1 قاڭتاردان باستاپ قولدانىسقا ەنگىزىلگەن قازاقستان رەسپۋبليكاسى ەڭبەك كودەكسىنىڭ نورماسىندا كوزدەلمەگەن. رەسمي ءتۇسىندىرۋ قازاقستان رەسپۋبليكاسى كونستيتۋتسياسىنىڭ 49, 62 – باپتارىنىڭ 1 – تارماقتارىنا سايكەس زاڭ شىعارۋ قىزمەتىن جۇزەگە اسىراتىن رەسپۋبليكانىڭ ەڭ جوعارى ѳكىلدى ورگانى پارلامەنتپەن بەرىلگەن. بۇل رەسمي ءتۇسىندىرۋ قازاقستان رەسپۋبليكاسى ەڭبەك كودەكسىنىڭ 53 – بابىندا كѳزدەلگەن. قازاقستان رەسپۋبليكاسى كونستيتۋتسياسىنىڭ 4 - بابىنىڭ 4 - تارماعىنا سايكەس نورماتيۆتىك قۇقىقتىق اكتىلەرگە رەسمي تۇسىندىرمە بەرۋ رەسمي تۇردە 23.11.2015 رەداكتسياسىندا جاريالانعان: "ەگەمەن قازاقستان" 25.11.2015 ج.، № 226 (28704) "كازاحستانسكايا پراۆدا" وت 25.11.2015 گ.، № 226 (28102) قازاقستان رەسپۋبليكاسىنىڭ كودەكسى 2015 جىلعى 23 قاراشاداعى № 414-V قرز.

قۇرمەتتى ب.ماشبەكۇلى! ۇلتتىق مۇددەلەردىڭ قورعالۋ دارەجەسىنىڭ تѳمەندەۋىنە ىقپال ەتەتىن زاڭدىلىق پەن قۇقىقتىق ءتارتىپ پەن جاۋاپكەرشىلىككە تارتۋ دەڭگەيىنىڭ تѳمەندەۋى، سونىڭ ىشىندە سىبايلاستىقتىڭ تامىرلانۋىنان بۇرىس اقپاراتتار بەرۋدىڭ ءѳسۋى، زاڭسىزدىق پەن وزبىرلىقتىڭ بەلەڭ الۋى سالدارىنان وبلىستا ءسىزدىڭ تۋ سىرتىڭىزدان كەيبىر لاۋازىمدى ادامداردىڭ ارەكەتتەرىمەن «جۇمىس بەرۋشىنىڭ زاڭسىز اكتىسىن زاڭعا سايكەس كەلتىرۋ (سايكەستەندىرۋ)» ارقىلى قۇرىلىمدىق ەلەمەنت ءماتىنى قازاقستان رەسپۋبليكاسىنىڭ ەڭبەك كودەكسىنىڭ نورماسىنا ەنگىزىلۋ ورىن الىپ وتىر. وكىنىشكە وراي مۇنداي ورەسكەل زاڭ بۇزۋشىلىقتى مەملەكەتتىك قىزمەتكەرلەر جاساپ وتىر.

قۇرمەتتى ب.ماشبەكۇلى! مەملەكەتتىك مىندەتتەردى اتقارۋعا ۋاكىلەتتىك بەرىلگەن ادامداردىڭ ءوز قۇزىرەتىنە كىرەتىن ماسەلەلەردى شەشۋدىڭ زاڭدا بەلگىلەنگەن ءتارتىبىن بۇزۋ ارەكەتتەرى سىبايلاس جەمقورلىققا جاعداي تۋعىزاتىن قۇقىق بۇزۋشىلىقتار بولىپ تابىلادى. قر ەڭبەك زاڭناماسىنىڭ بۇزىلۋىنا كىنالى تۇلعالار قازاقستان رەسپۋبليكاسىنىڭ زاڭدارىنا سايكەس جاۋاپتىلىقتا بولادى. وسى جايلاردى جاريا ەتە وتىرىپ، سىزدەن قازاقستان رەسپۋبليكاسىنىڭ ۇلتتىق قاۋىپسىزدىگى تۋرالى قر زاڭىنىڭ 12 – بابىن 15 – بابىنىڭ 2 – تارماعىنىڭ  3, 5 – تارماقشالارىن، قر ەڭبەك كودەكسىنىڭ 14 – بابىن قامتاماسىز ەتۋىڭىز ارقىلى اقتѳبە وبلىسىنداعى زاڭدى بۇرمالاعان لاۋازىمدى  ادامداردىڭ ءىس - ارەكەتتەرىن نازارعا  الۋىڭىزدى جانە زاڭ بۇزۋشىلىققا جول بەرمەۋىڭىزدى سۇرايمىن.  قاجەت دەسەڭىز دالەلدەمە قۇجاتتاردى كورسەتۋگە ءبىز دايارمىز.

قۇرمەتپەن قر جۋرناليستەر وداعىنىڭ مۇشەسى ن.قوشامانۇلى

Abai.kz