ستامبۋلداعى ءۇيىنىڭ جانىنا حالىق جينالىپ، مەملەكەتتىك توڭكەرىس جاساماق بولعانداردى ءولىم جازاسىنا كەسۋىن تالاپ ەتكەندە، كوپشىلىكتىڭ تالابىن ەلەمەۋگە بولمايدى، دەدى تۇركيا پرەزيدەنتى.

ەردوعان ەگەر بۇلىكشىلەر تاعى دا جاڭا شابۋىلدار جاساماق بولسا، ازاماتتاردى بيلىكتىڭ زاڭدى ەكەنىن قولداپ، تاعى دا ورتالىق الاڭعا شىعۋىن سۇرادى. ول بۇلىكتى ۇيىمداستىرۋعا ەردوعانمەن كيكىلجىڭگە كەلگەننەن كەيىن، اقش-قا كوشىپ كەتكەن يسلام ءدىنىن ۋاعىزداۋشى فەتحۋللاح گيۋلەننىڭ قاتىسى بار ەكەنىن تاعى قايتالادى. گيۋلەننىڭ ءوزى بۇل بۇلىككە ەش قاتىسى جوق ەكەنىن ايتىپ، انكارانىڭ تالاپ ەتىپ وتىرعان ەكستراديتسيالاۋ جونىندەگى امەريكالىق سوتتىڭ شەشىمىنە باعىناتىنىن دا مالىمدەدى.

جەكسەنبى كۇنى ستامبۋلدىڭ سابيح گيۋلچەن اۋەجايى مەن كونيا پروۆينتسياسىنىڭ ۆۆس بازاسىندا قاۋىپسىزدىك كۇشتەرى مەن بۇلىكشىلەر اراسىندا اسكەري قاقتىعىس ورىن الدى.

وپەراتسيا كەزىندە مەملەكەتتىك توڭكەرىس جاساماق بولعان 6 مىڭ اسكەر مەن سۋديالار قاماۋعا الىندى. ۇستالعانداردىڭ ىشىندە – بۇلىكتى ۇيىمداستىرۋى مۇمكىن دەگەن ۆۆس قولباسشىسى اكين وزتيۋرك، يندجيرليكتەگى ناتو بازاسىن باسقارۋشى گەنەرال بەكير ەركان ۆان بار. بۇل بازانى اقش جانە ونىڭ وداقتاستارى سيرياداعى «يسلام مەملەكەتى» ەكسترەميستىك ۇيىمىنا قارسى كۇرەسۋ ءۇشىن پايدالانادى. ۇستالعانداردىڭ ىشىندە ەردوعاننىڭ اسكەري كەڭەسشىسى ءالي يازيدجي دە بار.

سوڭعى رەسمي مالىمەت بويىنشا، 16 شىلدەگە قاراعان ءتۇنى بولعان ءساتسىز توڭكەرىس ارەكەتىندە 290 ادام قازا تاپقان.