اقتوبە وبلىستىق سوتىنىڭ ءباسپاسوز حاتشىسى انار ايتجانوۆانىڭ حابارلاۋىنشا، اقتوبە قالاسىنداعى №2 سوت سوتتالۋشىلاردى تەررورلىق توپتاردىڭ قىزمەتىنە قاتىسۋعا، تەرروريزمدى قولداپ، ەكسترەميستىك ۇيىمداردى قارجىلاندىرۋعا ارەكەتتەنگەنى ءۇشىن ايىپتى دەپ تانىدى.

سوتتالۋشىلاردىڭ ەڭ جاسى جيىرمادا، ال ەڭ ۇلكەنى – 67 جاستا. ولاردىڭ بارلىعى جۇمىسسىز، وتباسى بار، ۇشەۋى بۇرىن سوتتالعان. سوت ماتەريالدارى بويىنشا، ولار ينتەرنەت ارقىلى ەكسترەميستىك ۇيىم قاتارىنا تارتۋشىلار دەلىنگەن ادامدارمەن بايلانىس ورناتىپ، جالعان تولقۇجات دايىنداۋعا تالپىنعان. سوت سوتتالۋشىلاردىڭ مۇلىكتەرىن تاركىلەۋگە ۇكىم ەتتى.

«يسلام مەملەكەتى» ۇيىمى قازاقستاندا وتكەن جىلدىڭ قازان ايىندا تەررورلىق ۇيىمدار تىزىمىنە ەنگىزىلدى.

اباي-اقپارات