سىبايلاسقان جەمقورلىق پەن ۇيىمداسقان قىلمىستى زەرتتەۋ ورتالىعى (OCCRP) سايتىندا جاريالانعان مالىمەتكە قاراعاندا، مۇحتار ءابليازوۆ Belexpocentar كورمە كەشەنى مەن ونىڭ جانىنداعى Holiday Inn قوناق ءۇيىن بىرقاتار وفشورلىق كومپانيالار ارقىلى ساتىپ العان بولۋى مۇمكىن. OCCRP حابارلاماسىندا ءابليازوۆ بۇنىڭ بارلىعىن جوققا شىعارعانى ايتىلعان.

قازاقستاندا مۇحتار ءابليازوۆتى بتا بانكىنەن ميلليارد دوللار ۇرلادى دەپ ايىپتالدى. بتا بانكى 2009 جىلى قازاقستان ۇكىمەتى باقىلاۋىنا كوشكەنگە دەيىن ونى ءابليازوۆ باسقارعان ەدى. سول جىلى ءابليازوۆ قازاقستاننان كەتۋگە ءماجبۇر بولدى. 2013 جىلى جازدان بەرى ول رەسەيگە ەكستراديتسيالاۋ تۋرالى ساۋالدىڭ شەشىمىن كۇتىپ فرانتسيا تۇرمەسىندە وتىر. قازاقستاندا، رەسەيدە جانە ۋكراينادا ءابليازوۆ بتا بانكى قاراجاتىن سىرتقا شىعاردى جانە قارجى ايلا-امالدارىن جاسادى دەپ ايىپتالدى.

مۇحتار ءابليازوۆتىڭ ءوزى قازاقستان پرەزيدەنتى نۇرسۇلتان نازارباەۆ جۇيەسىن سىناپ، وعان قارسىلىق كورسەتكەنى ءۇشىن ساياسي قۋدالاۋعا ۇشىراعانىن ايتىپ، تاعىلعان ايىپتاردىڭ بارلىعىن جوققا شىعارىپ كەلەدى.

اباي-اقپارات