ديپلوماتيالىق قۇجاتتا ماسكەۋدىڭ رەسەي – ناتو كەڭەسىنىڭ 13 شىلدەدە بريۋسسەلدە وتەتىن جيىنىندا وسىنى ءتۇسىندىرىپ بەرۋىن قالايتىنى ايتىلعان.

سەنبى كۇنى ۆارشاۆادا اياقتالعان ناتو سامميتىندە اقش پرەزيدەنتى باراك وباما رەسەيدىڭ ۋكراينانىڭ شىعىسىنداعى ارەكەتى بەيبىت ەۋروپا يدەياسىنا قاۋىپ توندىرەدى دەپ مالىمدەپ، ۋكراينانىڭ ەگەمەندىگى مەن اۋماعىنىڭ تۇتاستىعىن بۇزعانى ءۇشىن ماسكەۋدى ايىپتادى.

رەسەيدى ەۋروپانىڭ شىعىسىندا تەجەۋ ءۇشىن، سولتۇستىكاتلانتيكالىق وداق ەلدەرىنىڭ باسشىلارى پولشا مەن بالتىق ەلدەرى اۋماعىندا 4 كوپۇلتتى باتالون ورنالاستىرۋ تۋرالى شەشىم قابىلدادى. دەي تۇرعانمەن، ناتو باسشىسى يەنس ستولتەنبەرگ قىرعي-قاباق سوعىس جىلدارىنا قايتا ورالماس ءۇشىن، رەسەيمەن ءتىل تابىسۋ قاجەتتىگىن سامميت كەزىندە بىرنەشە مارتە اتاپ ءوتتى.

اباي-اقپارات