ونىڭ سوزىنشە، قاشۋ جوسپارىن قۇرعان سوتتالۋشىلار كولونيا اۋماعىندا ورنالاسقان قوقىس جاشىگىنە تىعىلىپ، كۇرەسىنگە دەيىن جەتىپ الماق بولعان. «ەكەۋى دە قوقىس تاستايتىن جەرگە تىعىلىپ، قاشۋعا قولايلى ءساتتى كۇتىپ وتىرعان. بىراق كولونيا قىزمەتكەرلەرى دابىل قاعىپ، جوعالىپ كەتكەن تۇتقىندارعا ىزدەۋ سالعان»، - دەيدى دەرەككوز.

اقپارات كوزى سوتتالۋشىلاردىڭ كولونيادان سىرتقى شىقپاعانىن، تەك سول ءۇيىندىنىڭ اراسىندا تىعىلىپ جاتقاندارىن، 8 شىلدە كۇنى تابىلىپ، ۇستالعاندارىن حابارلادى.

مەكەمەنىڭ دەرەككوزى قاشۋ جوسپارلارى ءساتسىز بولعان سوتتالۋشىلاردى قوسىمشا جازاعا تارتۋى مۇمكىن دەيدى. ولاردىڭ اتى-جوندەرى ايتىلمايدى، بىراق تۇتقىنداردىڭ تونۋ جانە بۇزاقىلىق جاساعانى ءۇشىن سوتتالعانى بەلگىلى بولعان.

ەلدىڭ كۇش قۇرىلىمدارىنداعى دەرەككوز دە وزودي راديوسىنا №4 تۇزەتۋ كولونياسىندا قاشۋ ارەكەتى بولعانىن راستادى. ولاردىڭ سوزىنشە، دۋشانبە مەن استانا ماڭىنداعى اۋدانداردا دابىل قاعىلىپ، ىزدەۋ ارەكەتى جۇرگەن.

اباي-اقپارات