وسىنىڭ الدىندا دومودەدوۆو قوجايىنى دميتري كامەنششيك جانە اۋەجايدىڭ بۇرىنعى ەكى توپ-مەنەدجەرى ۆياچەسلاۆ نەكراسوۆ پەن اندرەي دانيلوۆ بوساتىلعان.

بوساتىلعانداردىڭ تورتەۋى دە 2011 جىلى 24 قاڭتاردا ورىن العان تەراكتىگە بايلانىستى اۋەجايدىڭ قاۋىپسىزدىك تالاپتارى ساقتالماعان، قىزمەت كورسەتۋ جۇيەسى ناشار دەپ ايىپتالىپ ۇيقاماقتا وتىرعان. ول كەزدە جانكەشتى اۋەجايدىڭ ۇشىپ كەلۋ زالىندا ءوزىن جارىپ جىبەرىپ، ناتيجەسىندە 37 ادام قايتىس بولىپ، 170-ءى جارالانعان ەدى. تەرگەۋ ءىسى تەراكتىگە اۋەجايداعى تەكسەرۋ جۇيەسىنىڭ السىزدىگى سەبەپ بولدى دەپ ەسەپتەيدى.

ماۋسىم ايىندا تەراكتىدەن زارداپ شەككەن تاراپ دومودەدوۆو باسشىلارىنا قاتىستى ارىزدى قايتارىپ الدى. بۇل اۋەجايدىڭ قايىرىمدىلىق قورىنان زارداپ شەككەندەرگە وتەماقى تولەگەننەن كەيىن بارىپ ورىن العان.

اباي-اقپارات