"وكىنىشكە قاراي، تەراكتىگە سولتۇستىك كاۆكازداعى كورشىلەرىمىزدىڭ قاتىسى بار", – دەدى ەردوعان.

ورازا-ايت مەرەكەسىنە بايلانىستى ستامبۋل مەشىتتەرىنىڭ بىرىندە قۇران وقىلعاننان كەيىن جۋرناليستەردىڭ الدىندا سويلەگەن تۇركيا پرەزيدەنتى اتاتۇرىك اۋەجايىندا بولعان جارىلىسقا قاتىسى بار 30 ادامنىڭ ۇستالعانىن ايتتى. ول كۇدىكتىلەردىڭ ىشىندە داعىستان، قىرعىزستان جانە تاجىكستان ازاماتتارى بارىن حابارلادى دەپ جازادى Hurriyet باسىلىمى. رەجەپ ەردوعان سونىمەن بىرگە اۋەجايداعى جارىلىستى "يسلام مەملەكەتى" (يم) ەكسترەميستىك ۇيىمى ۇيىمداستىرعانىن راستادى.

30 ماۋسىمدا Reuters اگەنتتىگى تۇرىك بيلىگىنە سىلتەمەي جاساي وتىرىپ، اتاتۇرىك اۋەجايىندا جارىلىس ۇيىمداستىرعان جانكەشتىلەردىڭ ىشىندە رەسەي ازاماتى بولعان دەپ حابارلادى. 1 شىلدەدە DHA تۇرىك اگەنتتىگى ءوزىن جارىپ جىبەرگەن ءۇش جانكەشتىنىڭ ەكەۋىندە رەسەيلىك تولقۇجات بولعان دەگەن اقپارات تاراتتى. بىرەۋىنىڭ تولقۇجاتىندا راكيم بۋلگاروۆ دەپ كورسەتىلگەن، ەكىنشى تولقۇجات ۆاديم وسمانوۆتىڭ اتىنا بەرىلگەن.

28 ماۋسىمدا كەشكىسىن ستامبۋل اۋەجايىندا ءۇش بىردەي جارىلىس ورىن الدى.

اباي-اقپارات