بەيسەنبى, 28 قاڭتار 2021
كاسىپ-ءتۇبى ءناسىپ 3347 0 پىكىر 23 ماۋسىم, 2016 ساعات 12:34

«سƏلەم، MOBILE!»

اۋىلدىڭ ءبəرى موبيلدەنگەلى جاتىر.

قازىر جالاقىنىڭ ءبəرى بانكومات كارتالارى ارقىلى تولەنەدى. ونى اۋىل تۇرعىنى شەشۋ ءۇشىن ارنايى اۋدان ورتالىعىنا نە قالاعا ارنايى بارۋ كەرەك. ەندى بانكومات ىزدەۋدىڭ قاجەتى جوق، كەز كەلگەن ۇيالى تەلەفون بولسا بولدى. اۋىلداعى قازپوچتا بولىمشەسىنە بارىپ، تولەم قىزمەتىنە قوسىلىپ الادى دا، شوتتاعى اقشانى جاراتىپ جۇرە بەرەدى.

مىسالى، اۋىل تۇرعىنى دۇكەنگە كەلەدى. 50 تەڭگە تۇراتىن ناندى العىسى كەلسە، تەلەفونى ارقىلى 50 تەڭگەنى دۇكەننىڭ شوتىنا (əر دۇكەننىڭ ءوز رەتتىك ءنومىرى ارقىلى) اۋدارادى. بۇل جەردە ماڭىزدى ەسكەرەتىن جايت مىناۋ: كەز كەلگەن تولەم كارتاڭىز post.kz تىركەلگەن بولۋى شارت (تولىعىراق ءوز تۇرعىلىقتى جەرىڭىزدەگى پوشتا بولىمشەلەرىنەن بىلە الاسىز). ءبىر رەت تىركەيسىز دە، تەلەفون ارقىلى تولەمدەردى جاساي بەرەسىز. ءسويتىپ، اقشا ءتۇستى دەگەن sms كەلسە، ساتۋشى ناندى بەرەدى. بولدى. بۇل قىزمەت ءۇشىن مۇمكىندىكتەرى مىقتى سمارتفون نەمەسە ينتەرنەت كەرەك ەمەس. قاراپايىم تەلەفوننان دا تولەي بەرەدى.

بۇل قىزمەتتىڭ العاشقى نۇسقاسى شورتاندى اۋىلىنداعى بارۆيحا دۇكەنىنە ورناتىلىپتى.

«سəلەم، mobile» تولەمىن قولدانۋ ەشكىمگە مىندەتتەلمەيدى. بىراق، وتە ىڭعايلى.

بۇل قۇرىلعى قازاقستاننىڭ وزگە دە اۋىل-ايماقتارىندا ورناتىلا باستايدى.

«قازپوشتا» اق باسقارما توراعاسى باعدات مۋسين مىرزا «سəلەم، mobile» تولەم  قۇرىلعىسىن تانىستىرىپ، ءتۇسىندىرىپ، سۇراقتارعا جاۋاپ بەردى.

سۋرەتتە: اقپارات جəنە كوممۋنيكاتسيالار قىزمەتىنىڭ ءمينيسترى اباەۆ دəۋرەن مىرزا مەن قازپوشتا اق باسقارما توراعاسى مۋسين باعدات مىرزا جاڭا قىزمەتتەرمەن تانىستىرۋدا

«قازپوشتا اۋىل تۇرعىندارىنا ىڭعايلى قىزمەتتەر ۇسىنۋدى قولدى. تاعى ءبىر ءتيىمدى قىزمەت - "سəلەمدەمەلەر سۋپەرماركەتى". باسقا مەملەكەتتەن، قالادان كەلگەن پوسىلكالار ارنايى سورەلەرگە قويىلادى. تۇرعىندار ارنايى نومىرلەر ارقىلى وزىنە كەلگەنىن تاڭداپ الىپ كەتە بەرەدى. بۇرىن جابىق بولمەگە جينالاتىن، "كەلدى مە ەكەن، زاتتارىمدى اشىپ اقتارىپ جاتقان شىعار، جوعالتىپ تاستامادى ما ەكەن" دەگەن سياقتى كۇدىكتى ويلار جينايتىن پوسىلكانى قازىر əركىم ءوزى اشىق سورەلەردەن كورىپ، الىپ كەتە الادى. سالىپ جىبەرۋ كەرەك بولسا دا، ءبəرىن ءوزى قوراپقا سالىپ، وراپ، جازۋىن تولتىرىپ، جىبەرەدى. ءبىر قىزمەتكەرگە قاراپ وتىرمايدى. ۋاقىت ۇنەمدەيدى.

ەلۆيرا ەرعالينا

abai.kz

0 پىكىر