بۇگىن ءوڭىر باسشىسى ب.اتامقۇلوۆ ەلباسى ن.نازارباەۆتىڭ جۇكتەگەن فۋنكتسيالارى مەن مىندەتتەرىنىڭ ورىندالۋى بويىنشا وبلىستىق ءماسليحات دەپۋتاتتارىنىڭ الدىندا ەسەپ بەردى. بۇل تۋرالى «اباي اقپارات» وڭتۇستىك قازاقستان وبلىسى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

مەملەكەتتىك باعدارلامالاردىڭ وڭىرىمىزدە ىسكە اسىرىلۋى بويىنشا اتقارىلعان جۇمىستاردىڭ بارىسىن بايانداعان وبلىس اكىمى ايماقتاعى يندۋستريالاندىرۋ، اۋىل شارۋاشىلىعى، الەۋمەتتىك سالا مەن مادەنيەت، ءبىلىم، كاسىپكەرلىك، تۇرعىن ءۇي-كوممۋنالدى شارۋاشىلىق پەن قوعامدىق قاۋىپسىزدىكتى ساقتاۋ، سونداي-اق، مەملەكەتتىك قىزمەتتەردىڭ ساپاسىن جاقسارتۋداعى جۇمىستارعا توقتالدى. 

حالىق قالاۋلىلارىمەن بولعان ەسەپتى كەزدەسۋدە ايماق باسشىسى ۇكىمەتتىڭ كەڭەيتىلگەن ماجىلىسىندە ەلباسىنىڭ وڭىرلەردى دامىتۋ بويىنشا بەرىلگەن تاپسىرمالارىنىڭ ورىندالۋى شەڭبەرىندە ستراتەگيالىق باعىتتاردىڭ ايقىندالعانىن جەتكىزىپ، وسى مىندەتتەردى بىرلەسە جۇزەگە اسىرۋ كەرەكتىگىن ايتتى.

ايتا كەتەيىك، ءسال ەرتەرەكتە قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمى بويىنشا وڭتۇستىك قازاقستان وبلىسى اكىمىنىڭ وكىمىمەن وبلىس اكىمى اپپاراتى باسشىسى لاۋازىمىنا ەركەعالي امانتايۇلى الىمقۇلوۆ تاعايىندالدى، دەپ حابارلايدى وبلىستىق اكىمدىكتىڭ ءباسپاسوز قىزمەتى.

ەركەعالي امانتايۇلى 1981 جىلى وڭتۇستىك قازاقستان وبلىسىندا تۋعان، ءبىلىمى جوعارى، ماماندىعى - زاڭگەر، ەكونوميست.

ەڭبەك جولىن 2003 جىلى قازاقستان رەسپۋبليكاسى تابيعي مونوپوليالاردى رەتتەۋ جانە باسەكەلەستىكتى قورعاۋ جونىندەگى اگەنتتىگىنىڭ جەتەكشى مامانى رەتىندە باستاعان. 2007-2013 جىلدارى قازاقستان رەسپۋبليكاسى يندۋستريا جانە ساۋدا مينيسترلىگىنىڭ باسەكەلەستىكتى قورعاۋ جونىندەگى كوميتەتىنىڭ ءبولىم باستىعى، تاۋارلار نارىعىن مونيتورينگىلەۋ باسقارماسى باستىعى، قوستاناي جانە سولتۇستىك قازاقستان وبلىستارى بويىنشا وڭىرارالىق ينسپەكتسياسى باستىعى، سونىمەن قاتار قازاقستان رەسپۋبليكاسى باسەكەلەستىكتى قورعاۋ اگەنتتىگى (مونوپولياعا قارسى اگەنتتىك) توراعاسىنىڭ ورىنباسارى قىزمەتتەرىن اتقارعان.

2013 جىلعى اقپاننان باستاپ قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك باقىلاۋ جانە اۋماقتىق-ۇيىمداستىرۋ جۇمىسى ءبولىمىنىڭ مەملەكەتتىك ينسپەكتورى لاۋازىمىن اتقارىپ كەلدى.

Abai.kz