وبلىستىق «وتىرار» امبەباپ - عىلىمي كىتاپحاناسىنىڭ باستاماسىمەن ەل تاۋەلسىزدىگىنىڭ 25 جىلدىعىنا مادەني تارتۋ رەتىندە «تاۋەلسىزدىكتىڭ 25 جىلدىعىنا 25 مودەلدى كىتاپحانا» اتتى اكتسياسى ءوز جالعاسىن تابۋدا.

اتالعان اكتسيا شەڭبەرىندە وتىرار اۋدانىنىڭ ماياقۇم اۋىلىنداعى اۋىلدىق كىتاپحاناسىنا «مودەلدى اۋىلدىق كىتاپحانا» ستاتۋسى بەرىلىپ، جاڭا زامان تالاپتارىنا ساي ەتىلدى. شاراعا وبلىستىق امبەباپ-عىلىمي كىتاپحاناسىنان ارنايى وكىلدەرى قاتىسىپ، «ماياقۇم مودەلدى اۋىلدىق كىتاپحانا» اتتى سەرتيفيكاتىن تابىس ەتتى.

«مودەلدى اۋىلدىق كىتاپحانا» دەگەنىمىز - ماتەريالدىق بازاسى نىعايتىلعان، جۇيەلى تۇردە جاڭا كىتاپتارمەن ءۇزىلىسسىز قامتاماسىز ەتىلىپ وتىراتىن رۋحاني وردا. مودەلدى اۋىلدىق كىتاپحانانىڭ ماقساتى – اۋىل تۇرعىندارىنا كىتاپ قورىمەن قاتار تەحنولوگيالىق – اقپاراتتىق قىزمەتتەردى توسقاۋىلسىز قولجەتىمدى ەتۋ.

وسى ماقساتتا ۇستىمىزدەگى جىلدىڭ قازان ايىندا قوسىمشا وتىرار اۋدانىنىڭ كوكماردان جانە قوعام ەلدى مەكەندەرىندە دە مودەلدى كىتاپحانا اشۋ جوسپارلانىپ وتىر. جالپى اۋداندا 25 اۋىلدىق كىتاپحانا بولسا، ولاردا 276 مىڭ كىتاپ قورى بار. سونىمەن قاتار، جىل باسىنان بەرى سەگىز مىڭ كىتاپپەن تولىققان. ال جىل سوڭىنا دەيىن اتالعان كىتاپحانالارعا 12 مىڭ كىتاپ جەتكىزىلەدى دەپ جوسپارلانۋدا.

Abai.kz