پرەزيدەنت اپپاراتىنىڭ اقپاراتتىق ساياسات ءبولىمىنىڭ حابارلاۋىنشا، ناۋقاستى قاراعان دارىگەرلەر مەملەكەت باسشىسىنىڭ كوكىرەك تۇسى اۋىرسىنۋىنا بايلانىستى شۇعىل مەديتسينالىق تەكسەرۋ قاجەت دەگەن تۇجىرىم جاسادى. دارىگەرلەردىڭ الدىن الا قورىتىندىسى بويىنشا، قىرعىز باسشىسىنىڭ جۇرەگى اۋىرعان.

سوعان سايكەس پرەزيدەنت المازبەك اتامباەۆ مەديتسينالىق تەكسەرۋدەن وتەدى جانە ءبىراز ۋاقىت بويى دارىگەرلەردىڭ باقىلاۋىندا بولادى.

مەملەكەت باسشىسى قىرعىز رەسپۋبليكاسىنىڭ نيۋ-يورك قالاسىنا بۇۇ باس اسسامبلەياسىنىڭ 71-سەسسياسىنا قاتىسۋعا بارا جاتقان دەلەگاتسياسىن باسقارۋدى ەلدىڭ سىرتقى ىستەر ءمينيسترى ەرلان ابدىلداەۆقا تاپسىردى.

Abai.kz