«مەملەكەتتىك ءتىل – تاۋەلسىزدىك نىشانى» رەسپۋبليكالىق كونكۋرسىندا وڭتۇستىك قازاقستان وبلىسى بويىنشا حالىققا قىزمەت كورسەتۋ ورتالىعى دەپارتامەنتىنىڭ مامانى پەرنەحان دوسان ءبىرىنشى ورىندى جەڭىپ الدى

مەملەكەتتىك ءتىل بايقاۋىنا ەلىمىزدىڭ وبلىستارى مەن استانا جانە الماتى قالالارىنداعى  حالىققا قىزمەت كورسەتۋ ورتالىعى فيليالدارىنىڭ وكىلدەرى قاتىستى.

جەرلەسىمىز مەملەكەتتىك ءتىل تۋرالى ءوزى شىعارعان پاتريوتتىق اسەرلى تۋىندىسىمەن ادىلقازىلار القاسىنىڭ ەسىندە ەرەكشە ساقتالىپ قالدى.

— مەن قازاق ءتىلىنىڭ مارتەبەسىن اسقاقتاتىپ جۇرگەنىمە جانە وڭتۇستىك قازاقستان وبلىسىنىڭ اتىنان وسىنى تاعى ءبىر مارتە دالەلدەي العانىما اسا قۋانىشتىمىن،- دەيدى كونكۋرستىڭ جەڭىمپازى پەرنەحان دوسان.

سونداي-اق اتالعان كونكۋستا ءۇشىنشى ورىندى جامبىل وبلىسى بويىنشا حالىققا قىزمەت كورسەتۋ ورتالىعى دەپارتامەنتىنىڭ مامانى ايجان باياليەۆا السا، ەكىنشى ورىندى الماتى وبلىسى بويىنشا الەۋمەتتىك تولەمدەردى ۆەدومستۆوارالىق ەسەپتەۋ ورتالىعى دەپارتامەنتىنىڭ مامانى دارحان بولاتوۆ يەمدەندى.

رەسپۋبليكالىق تىلدەر كونكۋرسى 5 كەزەڭنەن ءوتتى.  ول — ءداستۇرلى ءوزىن-ءوزى تانىستىرۋ، ماقال-ماتەلدەر سايىسى، ونەر سايىسى، ينتەللەكتۋالدىق سۇراقتار جانە دە مەملەكەتتىك تىلدە قۇجاتتار دايىنداۋ. بايقاۋدا قازاقستاننىڭ اقپارات جانە كوممۋنيكاتسيالار مينيسترلىگىنىڭ، مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتىنىڭ، «نۇر وتان» پارتياسىنىڭ، ۇكىمەتتىك ەمەس ۇيىمداردىڭ وكىلدەرى قازىلىق ەتتى.

Abai.kz