استانا، ۇلتتىق اكادەميالىق كىتاپحاناسى، 21.09.2016, ساع. 16:00

الماتى، ت.جۇرگەنوۆ اتىنداعى ۇلتتىق ونەر اكادەمياسى، 23 .09.2016, ساع. 11:00     

تالاسبەك اسەمقۇلوۆ (1955-2014) – كۇيشى، جازۋشى، زەرتتتەۋشى، كينودراماتۋرگ. بەلگىلى سىنشى ءاليا بقپەجانوۆا تالاسبەك تۋرالى بىلاي جازادى: «ۇلتتىق توپىراعى مىقتى، ءومىر بويى ءوزىن-ءوزى باپتاپ، تاربيەلەگەن، حالىق دانالىعى مەن بۇكىل جەتى عالامنىڭ  ءبىلىم-ءىلىمىن بويىنا جيناعان جانە جيناعانىنىڭ ءبارىن كادەگە جاراتىپ، ۇلتىنا، تۋعان حالقىنا قىزمەت ەتۋدىڭ بيىك ۇلگىسىن كورسەتىپ  وتكەن،  حالقىن سۇيەتىن، تاريحىن، ونەرىن قاستەرلەيتىن،  بىلىمگە قۇشتار ءاربىر جاس پەن جاسامىستىڭ دوسى بولعان ۇلكەن تۇلعا...

ت.اسەمقۇلوۆتىڭ ادەبيەت، مۋزىكا، بەينەلەۋ، كينو، ءداستۇرلى ونەر، تاريح، ەتنوگرافيا، ميفولوگيا سالالارىنداعى شىعارمالارى، ياعني،  جان-جاقتى دا كوپ قىرلى شىعارماشىلىعى – ۇلتتىڭ ءوزىن-ءوزى جەتە تانۋى، تەرەڭ زەردەلەۋى، رۋحاني تۇلەۋىنە باستايدى. ونەردى، مادەنيەتتى جانە وسىلار ارقىلى قوعامدا دا  ءوتىپ جاتقان ۇدەرىستەردى ءتۇسىنىپ-پايىمداۋعا ۇلكەن ۇلەس قوسادى.

تالاسبەك شىعارماشى­لىعى­نىڭ دارالىعى – ونىڭ قاي سالاداعى ەڭبەكتەرىندە دە   عىلىمي نەگىزدىلىك جانە ەركىن سۇحباتتاستىق قاتار ءورىلىپ وتىراتىندىعى ەكەنىن قاداپ ايتۋىمىز كەرەك. قاي تاقىرىپتا، قاي سالادا جازسا دا تىزگىن بەرمەس تۇلپارداي جۇيتكىگەن ونىڭ جازۋىن­داعى تاعى ءبىر ەرەكشەلىگى – بالاعا دا، داناعا دا تۇسىنىكتى قاراپايىمدىلىعىندا. نۇرلى بىلىمىمەن قاتار زامانعا ساي ويشىل­دىعىندا. بۇگىنگى زاماننىڭ مادەني-رۋحاني احۋالىن زەردە­لەي، كونسترۋكتسيالاي بىلەتىن جاڭاشىل­دىعىندا. ياعني،  جاڭا ماعىنالار تۋدىرا العاندىعىندا».

جوسپارلانىپ وتىرعان كوپتومدىقتىڭ بيىل مەملەكەتتىك تاپسىرىسپەن «قازاق ەنتسيكلوپەدياسى» باسپاسىندا بەس تومى جارىق كوردى. وعان اۆتوردىڭ پروزالىق شىعارمالارى، ادەبيەت پەن ونەر تۋراسىنداعى ماقالالارى مەن مادەنيەتتانۋ سالاسىنداعى زەرتتەۋلەرى جانە كينودرامتۋرگياداعى ەڭبەكتەرى ەنگەن.

تۇساۋكەسەرگە ەلىمىدىڭ بەلگىلى قالامگەرلەرى مەن ادەبيەتتانۋشىلار جانە باق وكىلدەرى مەن وقىرماندار قاتىسادى.

بايلانىس تەلەفوندارى: 8 777 6934513, 8 702 9382666, پوشتا: zira-n@yandex.kz

اباي-اقپارات