ورداباسىدا «جۇمىسپەن قامتۋ 2020 جول كارتاسى» اياسىندا 71 جاڭا جۇمىس ورنى قۇرىلدى.

ورداباسى اۋدانىندا «جۇمىسپەن قامتۋ 2020 جول كارتاسى» باعدارلاماسى بويىنشا جۇيەلى جۇمىستار جۇرگىزىلۋدە. ناتيجەسىندە جىل باسىنان بەرى باعدارلاماعا قاتىسۋعا 1590 ازامات ءوتىنىش ءبىلدىردى. بۇل تۋرالى «اباي اقپارات» وڭتۇستىك قازاقستان وبلىسى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

وسىلاردىڭ ىشىندە 70 ازامات باعدارلامانىڭ 1 باعىتى - «ينفراقۇرىلىمدى جانە تۇرعىن ءۇي - كوممۋنالدىق شارۋاشىلىقتى دامىتۋ ەسەبىنەن ۋاقىتشا جۇمىسپەن قامتىلعاندار. باعدارلامانىڭ ءىى باعىتى - «كاسىپكەرلىك باستاماشىلىقتى ىنتالاندىرۋ» اياسىندا جىل باسىنان بەرى كاسىپكەرلىك نەگىزدەرىنە - 30 ازامات وقىتىلىپ، وسى باعىت شەڭبەرىندە 87 ادامعا 240,6 ملن. تەڭگە شاعىن نەسيە بەرىلدى. ناتيجەسىندە  71 جاڭا جۇمىس ورىندارى قۇرىلدى. ال باعدارلامانىڭ ءىىى باعىتى شەڭبەرىندە بوس جانە جاڭا جۇمىس ورىندارىنا 1206 ازاماتتى تۇراقتى جۇمىسپەن قامتۋ جوسپارلانسا، بۇگىنگى تاڭعا جولدانعانى 912 ازامات، ياعني جوسپار 75,6 پايىزعا ورىندالدى. 

سونىمەن قاتار، الەۋمەتتىك جۇمىس ورىندارىن اشۋ بويىنشا 156 ادام 28 مەكەمەگە جولداندى. ال 127 جاس مامان جاستار پراكتيكاسىنا تارتىلدى.

دەرەككوزى: وقو اكىمىنىڭ ءباسپاسوز قىزمەتى

Abai.kz