وبلىس اكىمى بەيبىت اتامقۇلوۆ سوزاق اۋدانىندا بولعان ساپارىندا قاراكول قويىن وسiرۋگە باسا كوڭىل ءبولۋ كەرەكتىگىن ايتقان بولاتىن. ويتكەنى بۇل شارۋاشىلىق ءتۇرىنىڭ تابىسى مول، جەرگىلىكتى حالىققا ءتيىمدى بولارىن اتاپ وتكەن-ءدى. بۇگiنگi تاڭدا مال شارۋاشىلىعىمەن اينالىساتىن شارۋا قوجالىقتارىنىڭ ءبارi ەتتi قوي تۇرلەرiن وسiرۋمەن اينالىسىپ كەلەدى. وسى ورايدا سالا ماماندارى كوزىن تاپسا، قاراكول شارۋاشىلىعىنان كەلەر تابىستىڭ كول-كوسiر بولاتىنىن ايتادى.

اتالمىش باعىتتا جۇمىستى جانداندىرعان تەرىسكەيلىكتەرگە قاراكول مال شارۋاشىلىعىن دامىتۋداعى جۇمىس ءوز ناتيجەسىن بەرە باستادى. بۇگىندە سوزاق اۋدانىندا ەكى بىردەي شارۋاشىلىق - «قۇمكەنت» جانە «قارا قۇر» وندىرىستىك كووپەراتيۆى قاراكول قويىن وسىرۋمەن اينالىسادى. جۋىردا «قارا قۇر» وندىرىستىك كووپەراتيۆىنەن 1238 باس ەركەك قاراكول توقتىلارىن بىرىككەن اراب امىرلىكتەرىنە ەكسپورتتالعانى جۇمىستىڭ جولعا قويىلعاندىعىنىڭ ايعاعى بولسا كەرەك.

«قارا قۇر» وندىرىستىك كووپەراتيۆىنىڭ باسشىسى ج. سادىرحانۇلىنىڭ ايتۋىنشا، اراب امىرلىكتەرىنەن ارنايى كەلگەن مامانداردىڭ قوي سۇرىپتاۋداعى تالاپ ۇدەلەرىنەن شىعىپ، جىل سوڭىنا دەيىن تاعى ەكسپورتقا شىعارۋدى جوسپارلاپ وتىر.

كەڭەس وداعى تۇسىندا سوزاق مىڭعىرعان مالىمەن ەرەكشەلەنگەن اۋدان ەسەپتەلەتىن. ويتكەنى، بۇل اۋداننىڭ تابيعاتى مال شارۋاشىلىعىن ورىستەتۋگە وتە ىڭعايلى. ءارى سوزاق دالاسىندا وسەتىن شوپپەن قورەكتەنگەن مالدىڭ ەتى وزگە وڭىرلەرگە قاراعاندا ەرەكشە ءدامدى بولادى.

Abai.kz