مەملەكەت باسشىسىنىڭ «100 ناقتى قادام» ۇلت جوسپارىن ورىنداۋ ماقساتىندا «شىمكەنت» الەۋمەتتىك-كاسىپكەرلىك كورپوراتسياسى وڭتۇستىك قازاقستان وبلىسى اۋماعىنداعى وزەن اعىستارىنىڭ ەنەرگەتيكالىق الەۋەتىن زەرتتەدى.

وڭىردەگى ءتورت نەگىزگى وزەن اعىستارى بويىنشا الدىن-الا تەحنيكالىق-ەكونوميكالىق زەرتتەۋ ناتيجەسىندە وبلىس اۋماعىندا جيىنتىق قۋاتى 120 مۆت-تى قۇرايتىن ءتيىمدى گيدروەنەرگەتيكالىق كۇشى بار 43 نۇكتە انىقتالدى. وسىعان بايلانىستى قازىرگى ۋاقىتتا «شىمكەنت» اكك» وبلىستا شاعىن گيدروەنەرگەتيكانى دامىتۋعا ينۆەستورلاردى تارتۋ جۇمىستارىن جۇرگىزىپ جاتىر. العاشقى ناتيجەلەر دە جوق ەمەس.

ماسەلەن، كورپوراتسيا جەتەكشىلىگى Endustriyel Elektrik تۇرىك كومپانياسىمەن بىرلەسە وتىرىپ، تۇلكىباس اۋدانىندا بەلگىلەنگەن قۋاتى 4 مۆت، قۇنى 6 ملن. اقش دوللارىن قۇرايتىن شاعىن گەس سالۋ ءۇشىن بىرلەسكەن كاسىپورىن قۇردى. جوبانى ىسكە قوسۋ 2017 جىلعا جوسپارلانعان.

سونداي-اق، وبلىس اكىمدىگىنىڭ قولداۋىمەن جەكە ينۆەستور سارىاعاش اۋدانىندا قۋاتى 2 مۆت بولاتىن شاعىن گەس جوباسىن ىسكە اسىردى. مۇنان بولەك تاعى 2 جوبا ازىرلەنۋ ۇستىندە.

وبلىستىڭ شاعىن گيدروەنەرگەتيكاسىن ودان ءارى دامىتۋ، ينۆەستيتسيالار تارتۋ جانە كاسىپكەرلىكتى دامىتۋ ماقساتىندا «شىمكەنت» اكك» بارلىق مۇددەلى تۇلعالارعا وزەن اعىستارىنىڭ ەنەرگەتيكالىق قۋاتىن زەرتتەۋ ناتيجەلەرىن ۇسىنۋعا دايىن. سونىمەن قاتار، وڭتۇستىك قازاقستان وبلىسى اۋماعىندا شاعىن گەس جوبالارىن ىسكە اسىرۋ كەزىندە قاجەتتى كونسۋلتاتسيالىق قولداۋ كورسەتۋگە ارقاشان ءازىر.

ايتا كەتەيىك، قازىرگى ۋاقىتتا وبلىستاعى كاسىپورىندار مەن تۇرعىنداردىڭ ەلەكتر ەنەرگياسىن جىلدىق تۇتىنۋى شامامەن ايىنا 400 مۆت-تى قۇرايدى. ونىڭ 114 مۆت-ى (29%) ىشكى قۋات ەسەبىنەن وندىرىلسە، 286 مۆت (71%) قازاقستاننىڭ باسقا وڭىرلەرىنەن ساتىپ الىنادى.

Abai.kz