جۇما, 29 ناۋرىز 2024
كاسىپ-ءتۇبى ءناسىپ 3978 0 پىكىر 16 قىركۇيەك, 2016 ساعات 12:33

قوقىستى قاراجاتقا اينالدىرۋ قيىن ەمەس

پلاستيكالىق بوتەلكە قالدىقتارىنان جاياۋلار جۇرەتىن جول پليتكالارىن جاساۋعا بولادى. مۇنداي ماتەريال ساپالى جانە ۇزاق ۋاقىتقا جارايدى.

جىتىاقارالىق  جەكە كاسىپكەر قايرات مۇقاتوۆ 2015 جىلدىڭ اياعىندا «بيزنەستىڭ جول كارتاسى 2020» باعدارلاماسى بويىنشا 3 ملن تەڭگە كولەمىندە گرانت ۇتىپ العان. ءوز قالتاسىنان 1,5 ملن تەڭگە قوسىپ، كاسىپكەر وندىرىسكە قاجەت قوندىرعى ساتىپ العان. ءوندىرىس ورنى «قوستانايلىق مينەرالدار» اق تاۋ-كەن ءىرى ونەركاسىبى اۋماعىندا اشىلدى. بۇل ءوز كەزەگىندە، شيكىزاتقا قول جەتكىزۋ ماسەلەسىن شەشۋگە سەپ بولعان، سەبەبى، كومبيناتتا كەندى ۇساقتاعاننان كەيىن قالاتىن قۇرىلىس قۇمى ارتىلىپ قالاتىن ەدى. ال، پلاستيك قوقىسىن – قولدانىلعان بوتەلكەلەردى كاسىپكەر قاتتى تۇرمىس قالدىقتارى پوليگوندارىنان، بوياعىش زاتتاردى  – وبلىس ورتالىعىنان الىپ كەلەدى.

كاسىپكەردىڭ ايتۋىنشا، ءوندىرىس تەحنولوگياسى وتە جەڭىل ەكەن. وسىلايشا، ارنايى اگرەگات پلاستيكتى ۇساقتاپ، سوسىن ونى قىزدىرادى، كەيىن قۇم جانە بوياۋمەن ارالاستىرادى. جاسالعان قوسپا ارنايى قالىپتارعا قۇيىلىپ، ناتيجەسىندە قۇرىلىس ماتەريالى دايىن بولادى. ماتەريال ءوزىنىڭ بەرىكتىگىمەن، سۋعا توزىمدىلىگىمەن جانە ۇزاق ۋاقىت پايدالانۋعا جارامدىلىعىمەن ەرەكشەلەنەدى.

«پوليمەر پليتكاسى 50 جىلعا دەيىن شىداس بەرەدى. مەن ونىڭ تەحنولوگياسىن ەگجەي-تەگجەيلى زەرتتەپ شىقتىم، سول سەبەپتى، بۇل ءادىس، قاراپايىم بەتون ماتەريالدارىمەن سالىستىرعاندا، جوعارى ساپالى بۇيىمداردى جاساۋعا مۇمكىندىك بەرەتىنىنە سەنىمىم مول.

جوبانى جۇزەگە اسىرۋعا كاسىپكەرلەر پالاتاسىنىڭ اۋداندىق فيليالى كومەكتەستى.

«مەن گرانتقا قول جەتكىزگەنشە،  بارلىق زاڭ ماسەلەلەرى بويىنشا كەڭەس بەرىپ، مەنىمەن بىرگە بولدى. قازىر فيليالمەن بىرلەسە وتىرىپ، ءونىمدى وتكىزۋ نارىعى ماسەلەلەرى بويىنشا جۇمىس ىستەپ جاتىرمىز»، – دەيدى قايرات مۇقاتوۆ. 

جاڭا ءوندىرىس اۋداندا جازدىڭ سوڭىندا ىسكە قوسىلدى، الايدا بۇگىنگى كۇننىڭ وزىندە سۇرانىسقا يە. پوليمەر پليتكالارى جىتىقارا قالاسىنداعى جاعالاۋدا قايتا جوندەۋ جۇمىستارىن جۇرگىزگەن ۋاقىتتا قولدانىلىپتى. سونداي-اق، ماتەريالعا وبلىستىڭ جەكەمەنشىك قۇرىلىس كومپانيالارى قىزىعۋشىلىق تانىتۋدا. كاسىپكەر ءوندىرىس كولەمىن ۇلعايتۋدى جوسپارلاپ وتىر. ماسەلەن، الداعى ۋاقىتتا شاتىرلاردى جابۋعا ارنالعان پوليمەر جابىنقىشىن جاساپ شىعارۋ كوزدەلىپ وتىر ەكەن. كاسىپكەر ونىڭ تۇرعىن ءۇي قۇرىلىسىندا تاپتىرماس قۇرال بولاتىنىنا كۇمان كەلتىرمەيدى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3558