اۋىلشارۋاشىلىق  ونىمدەرىنىڭ كولەمىن ۇلعايتۋدى،  ەكسپورتقا شىعارۋدى  قامتاماسىز ەتۋدە  ۇساق تاۋار وندىرۋشىلەردىڭ ماسەلەلەرىن كەشەندى شەشۋ ءۇشىن،   قر «اۋىل شارۋاشىلىعى كووپەراتيۆتەرى تۋرالى»   زاڭىنا سايكەس، وبلىستا كووپەراتيۆتەردى قۇرۋ بەلسەندى جۇرگىزىلۋدە.

بۇگىنگى كۇنگە وبلىستا 8 مىڭنان اسا ۇساق فەرمەرلىك شارۋاشىلىقتار 81 اۋىل شارۋاشىلىق وندىرىستىك كووپەراتيۆتەرگە بىرىگىپ، جۇمىس اتقارۋدا. ولار دامۋ باعىتتارى بويىنشا 19 بىرلىك ماقتا شارۋاشىلىعى،  30 بىرلىك استىق، 4 بىرلىك ءسۇت ءوندىرىسى، 13 بىرلىك ءىرى جانە ۇساق مال شارۋاشىلىعى، 3 تۇيە شارۋاشىلىعى، 3 جۇگەرى ءوسىرۋ، 4 جىلىجاي، 5 تاعى باسقا شارۋاشىلىقتاردان قۇرالىپ وتىر.

سونىمەن قاتار، بيىلعى جىلى وبلىستا 14  ماشينا-تراكتورلىق  ستانتسياسى  قۇرىلعان. (متس)

متس-تەر قۇرامىندا 108 دوڭعالاقتى تراكتورلار، 7 شىنجىر تاباندى تراكتورلار، 28 استىق وراتىن،9 جەم-ءشوپ وراتىن، 4 جۇگەرى وراتىن كومبايندار مەن 186 باسقا تەحنيكالار بار.     

وقو-دا سۋارمالى جەردىڭ كولەمى ارتپاق

ءوڭىر باسشىسى ب.اتامقۇلوۆتىڭ توراعالىعىمەن كەڭەيتىلگەن اپپاراتتىق ءماجىلىس ءوتتى. اۋدان، قالا اكىمدەرىمەن سەلەكتورلىق رەجيمدە وتكەن جيىندا 6 ماسەلە قارالدى.

جيىندا ۇكىمەتتىڭ 2016 جىلعى 9 قىركۇيەكتەگى كەڭەيتىلگەن ماجىلىسىندە مەملەكەت باسشىسى تاراپىنان بەرىلگەن بىرقاتار تاپسىرمالاردىڭ ورىندالۋى  بويىنشا اتقارىلعان جۇمىستار تالقىلاندى.

قازاقستاندا الداعى بەس جىلدا اينالىمعا كەم دەگەندە 600 مىڭ گەكتار سۋارمالى جەر قوسىلادى. سۋ قورىنىڭ تالاپ ەتىلەتىن كولەمى توتەنشە جوندەۋ جانە جاڭا سۋ قويمالارىن سالۋ ەسەبىنەن قۇرىلادى. وسى رەتتە ايماق باسشىسى ەگىستىكتى اعىن سۋمەن تولىق قامتاماسىز ەتۋ ءۇشىن وبلىستىق اۋىل شارۋاشىلىعى باسقارماسىنا اۋدان اكىمدىكتەرىمەن بىرلەسە وتىرىپ سۋ قويمالارىن سالۋدىڭ جوسپارىن ازىرلەۋدى تاپسىردى.

─ ەگىستىك القاپتاردى سۋلاندىرۋ ماسەلەسىن شەشۋدە سۋ قويمالارىن سالۋدىڭ ماڭىزى ايرىقشا. بۇگىندە ۇلكەن سۋ قويماسى بايدىبەك پەن وتىرار اۋدانىندا سالىنىپ جاتىر. بيىل ونىڭ قۇرىلىسى اياقتالۋى ءتيىس. وبلىستىق باسقارما بارلىق اۋدانداردا وسىنداي مۇمكىندىكتەردى زەرتتەپ، جوسپار ازىرلەۋى ءتيىس، ─  دەدى بەيبىت باكىرۇلى. 

Abai.kz