نۇرسۇلتان نازارباەۆ قازاقستاننىڭ بۇل داعدارىستان 2017 جىلى شىعا باستايتىنىن ايتتى، - دەپ حابارلايدى kaz.tengrinews.kzء تىلشىسى.

ء"بىز قازىر داعدارىس كەزىندە ءومىر ءسۇرىپ جاتىرمىز. مەن كەلەسى جىلدان باستاپ وسى جاعدايدان شىعامىز دەپ سەنەمىن. 2017, 18, 19 جىلدار... 2020 جىلدان باستاپ بارلىعى جاقسى بولادى. ءبىز يندۋستريالاندىرۋ بويىنشا جاڭا نىسانداردى سالىپ جاتىرمىز. اگرارلىق كەشەندەردىڭ ماسەلەسى دە كوتەرىلىپ جاتىر، بارلىعى جاقسى بولادى. سوندىقتان وسى باستامامەن ۇكىمەتتىڭ قۇرىلىمىن قايتا قۇردىق، جاڭا تاجىريبەلى ادامداردى تاعايىندادىق", - دەدى پرەزيدەنت.

وسىعان دەيىن مەملەكەت باسشىسى باسقارۋشىلاردىڭ جاڭا بۋىنىنىڭ ۋاقىتى كەلگەنىن ايتقان ەدى. "جاقىندا وبلىستاردىڭ، استانا مەن الماتى قالالارى اكىمدەرىنىڭ قاتىسۋىمەن وتكەن ۇكىمەتتىڭ كەڭەيتىلگەن وتىرىسىندا داعدارىسپەن كۇرەس جۇمىسىنان ەكونوميكانىڭ ءوسىمىن ىنتالاندىرۋ باعدارلاماسىنا كوشۋ جونىندەگى شارالار تالقىلاندى. بۇل قوسىمشا جۇمىس ورىندارىن اشۋدى، اتاپ ايتقاندا، اۋىل شارۋاشىلىعىندا، تۇرعىن-ءۇي قۇرىلىسىندا جانە باسقا دا سالالاردا حالىقتىڭ تابىسىن ارتتىرۋدى كوزدەيدى. وسىعان بايلانىستى جاڭا مينيسترلەر كابينەتى الدىنا ناقتى مىندەتتەر قويىلدى. ۇكىمەت قۇرامىندا جاسالعان وزگەرىستەر باسقارۋشىلاردىڭ جاڭا بۋىنىنىڭ، سونىڭ قاتارىندا "بولاشاق" باعدارلاماسى تۇلەكتەرىنىڭ دە ۋاقىتى كەلگەنىن كورسەتەدى", - دەدى مەملەكەت باسشىسى.

اباي-اقپارات