وڭتۇستىك قازاقستان وبلىسىندا تاۋەلسىزدىكتىڭ 25 جىلدىعىنا وراي، قازاقستان حالقى تىلدەرى مەرەكەسى قارساڭىندا «ماڭگىلىك ەلدىڭ - ماڭگىلىك ءتىلى» اتتى وبلىستىق ءتىل ايلىعى وتۋدە.
اتالعان شارا اياسىندا «مەملەكەتتىك ءتىل – مەنىڭ ءتىلىم»، ء«سوز - جاننىڭ ءتىلى، ءان-جۇرەكتىڭ مۇڭى، ءتىل - رۋحتىڭ ءۇنى»، «مەملەكەتتىك ءتىل - مەملەكەتتىك قىزمەتتە»، «مەملەكەتتىك ءتىل - بارلىق حالىقتى بىرىكتىرەتىن ءتىل» سىندى بىرقاتار تاقىرىپتاردا اۋدان، قالالاردا 5 بايقاۋ، 8-دەن استام اكتسيالار، جوعارى وقۋ ورىندارى مەن بارلىق مەملەكەتتىك مەكەمەلەردە 20-دان استام دوڭگەلەك ۇستەلدەر مەن ءبىر فورۋم، 10-نان استام پىكىر الماسۋ جيىندارى مەن دەباتتار، ادەبي سازدى كەشتەر جانە بارلىق اۋدان، قالالاردا كىتاپ كورمەسى، سۋرەتتەر مەن فوتوكوللاج، ت.ب. شارالار ۇيىمداستىرىلادى.
ايتا كەتەيىك، وبلىستىق ءتىل ايلىعى 22 قىركۇيەك كۇنى «مەملەكەتتىك ءتىل – ماڭگىلىك ەلدىڭ ماڭگىلىك ءتىلى» اتتى مەرەكەلىك ءىس-شاراسىمەن قورىتىندىلانادى. شارادا ءتىل جاناشىرلارى قازاقستان رەسپۋبليكاسى مادەنيەت جانە سپورت مينيسترلىگىنىڭ، وبلىس اكىمىنىڭ، «نۇر وتان» پارتياسىنىڭ جانە وبلىس ءماسليحاتىنىڭ ارنايى العىس حاتتارىمەن ماراپاتتالاتىن بولادى.

سونىمەن قاتار، اۋقىمدى جوسپاردا  «مەملەكەتتىك ءتىل – مەرەيىم» اتتى مەملەكەتتىك ءتىلدى ءبىلۋ ارقىلى جەتىستىككە جەتكەن وزگە ۇلت وكىلدەرىمەن كەزدەسۋلەر وتكىزۋ، قازاقستان رەسپۋبليكاسى تاۋەلسىزدىگىنىڭ 25 جىلدىعى مەن  «قازاقستان حالقىنىڭ تىلدەرى كۇنى» مەرەكەسىنە وراي، «مەنىڭ ءبىر عانا وتانىم بار، ول – تاۋەلسىز قازاقستان» اتتى مەملەكەتتىك قىزمەتكە جاڭادان قابىلدانعان جاس ماماندار اراسىندا انت بەرۋ ءراسىمىن ۇيىمداستىرۋ جوسپارلانعان.

ەندىگى كەزەكتە بارشاڭىزدى، ماڭگىلىك ەلدىڭ – ماڭگىلىك ءتىلىن اسقاقتاتۋعا شاقىرامىز!

Abai.kz