"سيرياداعى ءال باباعا جاقىن ماڭداعى سوققىنىڭ ماقساتى - يم ۇيىمىنىڭ باستى ناسيحاتتاۋشىسى، شەتەلدەگى تەررورلىق وپەراتسيالاردى جوبالاۋشىنىڭ كوزىن جويۋ بولدى", - دەپ مالىمدەدى پەنتاگون ءباسپاسوز حاتشىسى پيتەر كۋك.

ونىڭ ايتۋىنشا، ءادنانيدىڭ ءولىمى ەكسترەميستىك توپتىڭ جاعدايىن قيىنداتادى، ويتكەنى ول باسقا ەلدەردەگى ازاماتتىق نىساندارعا شابۋىلداردى ۇيىمداستىرىپ كەلگەن.

اۋە سوققىسى 30 تامىز كۇنى امەريكالىق ۇشقىشسىز باسقارىلاتىن Predator اپپاراتىمەن جاسالعان. ول جىبەرگەن Hellfire زىمىرانى ادناني مىنگەن اۆوكولىكتىڭ تالقانىن شىعارعان.

ادناني "يسلام مەملەكەتىنىڭ" ءباسپاسوز حاتشىسى قىزمەتىن اتقاردى جانە ول بىلتىر پاريج، بريۋسسەل، ستامبۋل جانە بانگلادەشتەگى ءىرى شابۋىلداردى ۇيىمداستىرۋعا كومەكتەسكەن. رەسمي وكىلدىڭ مالىمدەۋىنشە، ونىڭ سيناي تۇبەگىندە رەسەيلىك اۆيالاينەرگە جاسالعان شابۋىلعا دا قاتىسى بار.