بۇگىن وڭتۇستىك قازاقستان وبلىسى جاستار ساياساتى ماسەلەلەرى جونىندەگى باسقارماسىنىڭ ۇيىمداستىرۋىمەن م.اۋەزوۆ اتىنداعى وڭتۇستىك قازاقستان وبلىستىق مەملەكەتتىك ۋنيۆەرسيتەتىندە «ستۋدەنتتىك قۇرىلىس جاساقتارى» ماۋسىمىنىڭ جابىلۋ سالتاناتتى ءىس-شاراسى ءوتتى. 
ەسكە سالساق، جاز ماۋسىمىندا وبلىستىق جاستار ساياساتى ماسەلەلەرى جونىندەگى باسقارماسى شىمكەنت قالاسىنداعى بىرقاتار مەردىگەر كومپانيا باسشىلارى اراسىنداعى بولعان كەلىسسوزدەر ناتيجەسىندە ستۋدەنتتەردىڭ جازعى دەمالىس ۋاقىتىن ءتيىمدى پايدالانۋ ماقساتىندا ستۋدەنتتەردى «ستۋدەنتتىك قۇرىلىس جاساقتارىنا» ەڭبەككە تارتۋ جۇمىستارى جۇرگىزىلدى.
      ناتيجەسىندە، اتالعان وقۋ ورنىنىڭ قۇرىلىس ماماندىعىندا ءبىلىم العان 360 ستۋدەنت، ال اۋدان، قالالاردان 140 ستۋدەنت قۇرىلىس كومپانيالارىندا «ستۋدەنتتىك قۇرىلىس جاساقتارى» اياسىندا قۇرىلىس جۇمىستارىندا ەڭبەك ەتتى. قۇرىلىس جۇمىستارىنىڭ بىتۋىنە ات سالىسقان ستۋدەنتتەردىڭ ورتاشا جالاقىسى 50-60 مىڭ تەڭگەنى قۇرادى.
اتاپ ايتار بولساق، «ستۋدەنتتىك قۇرىلىس جاساقتارى» شىمكەنت قالاسىندا «قازاقستان» كينوتەاترىنىڭ جانە ء«نۇرسات»، «قايتپاس»، «تۇران» شاعىن اۋداندارىنداعى كوپ قاباتتى ۇيلەردىڭ قۇرىلىس جۇمىستارىنا ءوز ۇلەستەرىن قوسقان.
      شارا كەزىندە وڭتۇستىك قازاقستان وبلىسى جاستار ساياساتى ماسەلەلەرى جونىندەگى باسقارما باسشىسى ب.ءجانابىل وبلىستاعى قۇرىلىس جۇمىستارىنا قاتىسقان ستۋدەنتتەرگە العىس ءبىلدىرىپ، ارنايى ديپلوممەن ماراپاتتادى. الداعى ۋاقىتتا ستۋدەنتتەردىڭ جازعى دەمالىس ۋاقىتىن ءتيىمدى پايدالانۋ ماقساتىندا بۇل باستاما تۇراقتى تۇردە جۇرگىزىلەتىنىن ايتتى.

اباي اقپارات