بۇگىن مەملەكەت باسشىسىنىڭ پارمەنىمەن، ۇكىمەت مۇشەلەرى قايتا جاساقتالدى.  باقىتجان ءابدىرۇلى ساعىنتاەۆتىڭ قاراماعىنداعى مينيسترلەر كابينەتىندە بولعان از-كەم اۋىس-ءتۇيىستىڭ اۋانى بىلاي بولدى.

مەملەكەت باسشىسىنىڭ جارلىعى بويىنشا، پرەمەر-ءمينيستردىڭ ورىنباسارى قىزمەتىنە بۇرىنعى قورعانىس ءمينيسترى يمانعالي نۇرعاليۇلى تاسماعامبەتوۆ تاعايىندالدى.  ال بۇل ورىندا وسىعان دەيىن داريعا نازارباەۆا وتىرعان بولاتىن. داريعا نۇرسۇلتانقىزىنىڭ جاڭا قىزمەتى تۋرالى رەسمي اقپارات ءالى جاريالانعان جوق. دەسە دە، ەندىگى ەكس-ۆيتسە-پرەمەردىڭ كەلەسى قىزمەتى شىعىس قازاقستان وبلىسىمەن جانە سەنات سپيكەرلىگىمەن بايلانىستى بولۋى مۇمكىن دەگەن بولجامدار ايتىلۋدا.

ال جاڭا تاعايىندالعان پرەمەر-ءمينيستردىڭ ەنشىسىنە ەسكى كادرلار بۇيىرىپتى. پرەزيدەنتتىڭ پارمەنىمەن قايتا جاساقتالعان ەسكى قۇرامداعى مينيسترلەر ءوز قىزمەتتەرىندە قالدى.

مەملەكەت باسشىسىنىڭ 2016 جىلدىڭ 13 قىركۇيەك كۇنگى № 324- بۇيرىعى بويىنشا: 

ەرلان ءابىلفايىزۇلى ىدىرىسوۆ ‑ قازاقستان رەسپۋبليكاسىنىڭ سىرتقى ىستەر ءمينيسترى; 

قالمۇحانبەت نۇرمۇحانبەتۇلى قاسىموۆ ‑ قازاقستان رەسپۋبليكاسىنىڭ ىشكى ىستەر ءمينيسترى;

داۋرەن اسكەربەكۇلى اباەۆ ‑ قازاقستان رەسپۋبليكاسىنىڭ اقپارات جانە كوممۋنيكاتسيالار ءمينيسترى;

ەرلان كەنجەعاليۇلى ساعاديەۆ ‑ قازاقستان رەسپۋبليكاسىنىڭ ءبىلىم جانە عىلىم ءمينيسترى;

تامارا بوسىمبەكقىزى دۇيسەنوۆا ‑ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى;

جەڭىس ماحمۇدۇلى قاسىمبەك ‑ قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى;

باقىت تۇرلىحانۇلى سۇلتانوۆ ‑ قازاقستان رەسپۋبليكاسىنىڭ قارجى ءمينيسترى;

ارىستانبەك مۇحامەديۇلى ‑ قازاقستان رەسپۋبليكاسىنىڭ مادەنيەت جانە سپورت ءمينيسترى;

قۋاندىق ءۋاليحانۇلى بيشىمباەۆ ‑ قازاقستان رەسپۋبليكاسىنىڭ ۇلتتىق ەكونوميكا ءمينيسترى;

قانات الدابەرگەنۇلى بوزىمباەۆ ‑ قازاقستان رەسپۋبليكاسىنىڭ ەنەرگەتيكا ءمينيسترى بولىپ تاعايىندالدى. 

P.S. اتقارۋشى بيلىكتەگى اۋىس-تۇيىسكە بايلانىستى ءبىز ەكس-ۆيتسە-پرەمەر داريعا نازارباەۆا قايدا بارادى دەگەن ساۋال تاستاپ كەتكەن بولاتىنبىز. سونىمەن بۇگىنگى ۇكىمەت قۇرامىن جاڭالاۋ مەن قايتا جاساقتاۋ بارىسىندا داريعا نۇرسۇلتانقىزىنا سەنات دەپۋتاتىنىڭ ورىنتاعى بۇيىردى. بۇل نەنى بىلدىرەدى؟ ۇكىمەتتە بەلسەندىلىگى ارتىپ كەتكەن ەكس-ۆيتسە-پرەمەردىڭ كەيبىر ءىسى قوعام تاراپىنان تولىق قابىلدانباعاندىقتان جايلى، تىنىش ورىنعا جىلجىتۋ ما، الدە بولاشاق سپيكەرلىككە دايىنداۋدىڭ قارەكەتى مە؟ ەگەر د.ن. نازارباەۆا سەنات سپيكەرى بولىپ شىعا كەلسە، "ونىڭ ار جاعىنداعى الار اسۋى الىس ەمەس" دەيدى ساياسي بولجام جاساۋشىلار.  

Abai.kz