اۋدانىمىزدا ەگىلگەن 11400 گەكتار ماقسارى داقىلى بار، ونىڭ بۇگىنگە دەيىن 5600 گەكتارى ورىلىپ، ورىندالۋى 48 پايىزدى قۇراپ وتىر. بيىلعى اۋا رايىنىڭ ءبىرشاما جاۋىن-شاشىندى بولۋىنا بايلانىستى داقىلدار بىتىك شىعىپ، ءار گەكتارعا شاققاندا ءتۇسىم 9,2 تسەنتنەرگە اينالدى. ەگىننەن قامباعا 5160 توننا ءونىم الىندى.

ەگىندى ورىپ الىسىمەن جەر جىرتۋ جۇمىستارى جالعاسىپ، قازىر اۋدان بويىنشا 3 500 گەكتار جەر جىرتىلدى.   ماقسارى جيناۋ، جەر جىرتۋ جۇمىستارىن “قىزىل جار” جشس-ءى، بالىقشى اۋىل وكرۋگىندەگى “نۇرتاي اتا” شارۋا قوجالىعى، ازاتتىق اۋىلىنداعى “ماقۇلبەك” جشس-ءى وسى سالالاردا ناتيجەلى ەڭبەك ەتىپ، جوعارى ونىمگە قول جەتكىزدى.   وسى ىرىلەنگەن شارۋاشىلىقتار باسقا شارۋا قوجالىقتارعا ۇلگى بولىپ، شارۋا جۇمىسىنىڭ ءتيىمدى تۇستارىن كورسەتىپ كەلەدى. “ۇيىمداسقان ۇتادى” دەگەن قاعيدانى ۇستانعان وسى شارۋاشىلىقتاردىڭ ۇتىمدى ىستەرىنە سۇيسىنەسىڭ.

وتاندىق ونىمدەردى قولدايىق

تۇلكىباس اۋدانىندا ورنالاسقان "بايتەرەك 4" كوكىنىس كونسەرۆىلەۋ جانە وندەۋ بويىنشا كاسىپورىن ءوز ونىمدەرىن شىعارا باستادى. قۋاتتىلىعى جىلىنا 1,5 مىڭ توننا ءونىم ءوندىرۋ. 45 ادام ەڭبەك ەتەدى. سۇرانىستا جوعارى. اۋدان اكىمى جۇمىس ساپارى كەزىندە وسى تسەحتىڭ جۇمىسىمەن تانىستى.

دەرەككوزى: تۇلكىباس اۋدانى اكىمشىلىگى

Abai.kz