مەملەكەت باسشىسى نۇرسۇلتان نازارباەۆ جۇمىس ساپارىمەن وزبەكستان رەسپۋبليكاسىنا باردى، - دەپ حابارلايدى ابايا-اقپارات اقوردانىڭ ءباسپاسوز قىزمەتىنە سىلتەمە جاساپ.

قازاقستان پرەزيدەنتى سامارقاندقا وزبەكستان رەسپۋبليكاسىنىڭ تۇڭعىش پرەزيدەنتى يسلام كاريموۆتىڭ رۋحىنا تاعزىم ەتۋ ءۇشىن كەلدى. ساپار اياسىندا ي.كاريموۆتىڭ بەيىتىنە گۇل شوعىن قويىپ، ونىڭ وتباسىمەن كەزدەسىپ، كوڭىل ايتتى. سونىمەن قاتار مەملەكەت باسشىسى وزبەكستان رەسپۋبليكاسى پرەزيدەنتىنىڭ مىندەتىن ۋاقىتشا اتقارۋشى شاۆكات ميرزيەەۆپەن كەزدەستى.

كەزدەسۋ بارىسىندا قازاقستان پرەزيدەنتى تاعى دا يسلام كاريموۆتىڭ وزبەك مەملەكەتىن، ەلدەرىمىزدىڭ اراسىنداعى ءوزارا قارىم-قاتىناستى دامىتۋعا قوسقان بىرەگەي ۇلەسىن اتاپ ءوتتى. 
- تاريحىمىز، ءدىنىمىز، مادەنيەتىمىز ءبىر بولعاندىقتان، ونىڭ بۇكىل قايراتكەرلىگى ءبىزدىڭ حالىقتارىمىز اراسىنداعى دوستىقتى نىعايتا تۇسۋگە قىزمەت ەتتى. وسى قۇندىلىقتاردى ساقتاي ءبىلۋ وتە ماڭىزدى. ەكىجاقتى كەزدەسۋلەر بارىسىندا دا، حالىقارالىق ۇيىمدار جۇمىسى اياسىندا دا ءبىز كەز كەلگەن ماسەلەگە قاتىستى ءوزارا ءتيىمدى شەشىم تابا بىلدىك. باۋىرلاستىق بايلانىسىمىزدى بۇدان ءارى دە نىعايتا بەرۋ كەرەك، - دەدى مەملەكەت باسشىسى.
سونىمەن قاتار، نۇرسۇلتان نازارباەۆ پەن شاۆكات ميرزيەەۆ ەكىجاقتى قارىم-قاتىناستىڭ مەيلىنشە وزەكتى ماسەلەلەرى، وڭىرلىك جانە حالىقارالىق كۇن تارتىبىندەگى نەگىزگى تاقىرىپتار جونىندە پىكىر الماستى.

اباي-اقپارات