ەرتەڭ، ياعني، 9 قىركۇيەكتە ۇكىمەتتىڭ كەڭەيتىلگەن وتىرىسى وتەدى. وتىرىسقا پرەزيدەنت ن.نازارباەۆ قاتىسپاق. ال، «نوۆوستي-كازاحستان» اقپاراتتىق اگەنتتىگى ۇكىمەتتەگى دەرەككوزىنە سىلتەمە جاساپ، وسى جيىننان كەيىن «ۇكىمەت وتستاۆكاعا كەتۋى مۇمكىن» دەپ جازادى.

كارىم ءماسىموۆ قازاقستان ۇكىمەتىن ەڭ ۇزاق باسقارىپ كەلە جاتقان ادام. سوڭعى جىلدارى ءماسىموۆتىڭ وتستاۆكاعا كەتۋى كەرەكتىگىن، ويتكەنى، ۇكىمەت ىشكى-سىرتقى ساياساتتا، ەكونوميكانىڭ بۇگىنگىدەي اۋىر جاعدايىندا ءتيىمدى جۇمىس ىستەي الماي، دارمەنسىزدىك كورسەتىپ وتىرعاندىعىن ساراپشىلار كوپتەن بەرى ايتىپ كەلەدى. وتستاۆكا ماسەلەسى قوعامدا دا ۇزاق ۋاقىتتان بەرى ايتىلىپ ءجۇر. ءتىپتى كارىم قاجىمۇقانۇلىنىڭ الەۋمەتتىك جەلىلەردەگى بەلسەندىلىگى دە ۇنەمى سىنعا ۇشىراپ كەلەدى. پرەمەر مينيستردەن بولەك، ۇكىمەت قۇرامىنداعى بىرقاتار مينيسترلەردىڭ ارەكەتتەرى، سويلەگەن سوزدەرى، ءتۇرلى شەشىمدەرى دە بۇقارا ءھام ساراپشىلار تاراپىنان بىلىكسىزدىك دەپ باعالانىپ، قاتتى سىنالعان. وسى جانە باسقا كوپتەگەن ماسەلەلەردى ەسەپكە الساق، ۇكىمەتتىڭ وتستاۆكاعا كەتۋى ابدەن مۇمكىن. الايدا، مۇنىڭ ءبارى بولجام عانا. مۇنداي بولجامدار ءار كەزدە ايتىلعان. بىراق، ماڭىزدى جيىنداردا قوعام كۇتكەندەي شەشىمدەر جاسالماعان...

نۇرا ماتاي

Abai.kz