تۇلكىباس اۋدانىندا الما باۋ شارۋاشىلىعىن دامىتۋ ماقساتىندا وبلىستىق اۋىلشارۋاشىلىعى باسقارماسى، اۋدان قالا اكىمدەرىنىڭ ورىنباسارلارى، باۋ شارۋاشىلىعىمەن اينالىسۋشى باعبانشىلاردىڭ قاتىسۋىمەن سەمينار-كەڭەس بولىپ ءوتتى. جيىندى وبلىستىق اۋىلشارۋاشىلىعى باسقارماسىنىڭ باسشىسى س.تۇربەكوۆ اشىپ، وبلىسىمىزداعى ايماقتاردىڭ ءوز ەرەكشەلىكتەرىن ەسكەرە وتىرىپ، ءبىر سالانى دامىتۋ، تاجىريبە الماسۋ، كورۋ، ۇيرەنۋ ماقساتىندا ءار اۋداندا سەمينارلار وتكىزىلىپ جاتقانىن حابارلادى. 

سەمينارعا قاتىسۋشىلار الدىمەن، ميچۋرين اۋىلدىق وكرۋگىنە قاراستى ء«مولدىر» جاۋاپكەرشىلىگى شەكتەۋلى سەرىكتەستىگىنىڭ قارقىندى باعىمەن جانە تالىمباعىمەن تانىستى. تۇركيانىڭ «ياۋلا فيليس» كومپانياسىمەن بىرلەسۋ ناتيجەسىندە قولعا الىنىپ، ەگىلگەن 110 گەكتارلىق جەر القابىندا الما جەمىسى وسىرىلەدى. 

سونىمەن قاتار، جۇمىسشى توپ قارقىندى باۋ وسىرۋمەن اينالىساتىن «كوكتال»، «كەنتاۋ»، «تۇلكىباس ترانسسەرۆيس» جشس-ندە بولىپ، تىنىس تىرشىلىگىمەن تانىستى. 

شارۋاشىلىقتار باق وسىرۋدە الدىڭعى قاتارلى ەلدەردىڭ، ونىڭ ىشىندە تۇركيا، پولشا مەملەكەتتەرىنىڭ سوڭعى ۇلگىدەگى وزىق تاجىريبەلەرىن پايدالانادى. بۇل باۋلاردا نەگىزىنەن تامشىلاتىپ سۋعارۋ تەحنولوگياسى قولدانىلادى. بارلىق قاجەتتى باۋ-باقشا تەحنيكاسى بولعان جاعدايدا، شارۋاشىلىق قىزمەتكەرلەرىنىڭ ەڭبەگى ايتارلىقتاي جەڭىلدەتىلەدى، اگروتەحنيكالىق شارالاردى جۇرگىزۋگە ىڭعايلى بولادى. 

سەميناردا شارۋاشىلىق باسشىلارى وزدەرىنىڭ تاجىريبەلەرىمەن ءبولىسىپ، وزەكتى ماسەلەلەر جايىن تالقىلادى. جيىن سوڭى پىكىر الماسۋلارمەن جالعاسىپ، الما باۋدى دامىتۋ بويىنشا اتقارىلىپ جاتقان جۇمىستار مەن كەزدەسەتىن كەدەرگىلەر جايلى ايتىلدى.

جالپى تۇلكىباس اۋدانى تاۋلى ايماقتا ورنالاسقان. اۋا رايى قوڭىر سالقىن، الما-باۋ جەمىس اعاشتارىن وسىرۋگە وتە قولايلى ايماق بولىپ ەسەپتەلەدى. بۇگىنگى تاڭدا اۋدانداعى بارلىق جەمىس اعاشتارىنىڭ كولەمى 3115 گەكتاردى قۇراپ وتىر. 

2020 جىلعا مەرزىمدە دەيىن اۋدان كولەمىندە الما باۋ كولەمى 3600 گەكتارعا جەتكىزىپ، ونىڭ ىشىندە اۋداندا قارقىندى باۋلاردى ءوسىرۋ دامىتىلىپ، ءونىم كولەمىن ۇلعايتۋ جوسپارلانۋدا. الداعى مەرزىمدە المانى تۇلكىباس اۋدانىنىڭ برەندىنە اينالدىرۋ جولىندا جۇمىستار اتقارىلاتىن بولادى.

Abai.kz