ۇقك بولجامى بويىنشا، كۇدىكتىلەر تالدىقورعاننىڭ اۋەجايىنا بارلاۋ جاساپ، ازاماتتىق جانە اسكەري ۇشاقتى ايداپ اكەتۋ مۇمكىندىگىن زەرتتەپ، 2011 جىلدىڭ 11 قىركۇيەگىندە اقش-تا بولعان تەراكتىنى قايتالاعىلارى كەلگەن. ولاردىڭ ىشىندە قىرعىزستان ازاماتى دا بار دەپ حابارلانادى.

قاراعاندى وبلىسىندا ماۋسىم ايىندا ۇستالعان توپقا بايلانىستى ولاردىڭ ماقساتتارى بالقاش قالاسىنداعى اسكەري بولىمشەگە شابۋىل جاساعىلارى كەلگەن دەپ مالىمدەيدى. ناقتى ۇستالعانداردىڭ سانى تولىق ايتىلمادى، تەك بىرەۋى ءوزىن جارىپ قايتىس بولعان.

جالپى ۇقك مالىمەتى بويىنشا، جىل باسىنان بەرى راديكالدى يسلام توبىنىڭ سەگىز ادامى تۇتقىندالعان. اقتوبەدە 5 ماۋسىمدا قارۋ-جاراق ساتاتىن دۇكەنگە شابۋىل جاسالىپ، سەگىز ادام قايتىس بولعان وقيعاعا بايلانىستى تەرگەۋ ءىسى اياقتالعانى جاريالاندى. بۇل ءىس بويىنشا 30 ادام سوت الدىندا جاۋاپ بەرەدى.