كەرري: «قىرعىزستان – ورتالىق ازيادا دەموكراتيا ليدەرى»
بۇگىندە قىرعىزستان – ورتالىق ازيادا دەموكراتيا ليدەرى. وسىلاي دەپ اقش-تىڭ مەملەكەتتىك حاتشىسى دجون كەرري قىرعىزستان تاۋەلسىزدىگىنىڭ 25 جىلدىعىمەن قۇتتىقتاعان سوزىندە ايتتى دەپ جازادى "تۇركىستان" اپتالىعى.
كەرري 25 جىل بۇرىن اقش قىرعىزستاننىڭ تاۋەلسىزدىگىن ەڭ ءبىرىنشى مويىنداعان ەلدەردىڭ ءبىرى بولدى دەپ ەسكە ءتۇسىرىپ، شيرەك عاسىر بويىندا بۇل ەلمەن دوستىق جانە ستراتەگيالىق ارىپتەس رەتىندە قارىم-قاتىناستى جالعاستىرىپ كەلەدى دەدى.
ونىڭ ايتۋىنشا، وسى ۋاقىت اراسىندا امەريكانى قىرعىزستان رەسپۋبليكاسىمەن دەموكراتيالىق ۇستانىم، ءپليۋراليزمدى قۇرمەتتەۋ جانە ساياسي، ەكونوميكالىق مۇمكىندىككە سەنىم ءبىلدىرۋ بىرىكتىرىپ كەلەدى.
«تۇراقتى جانە گۇلدەنىپ دامىپ كەلە جاتقان قىرعىزستان بارلىق ايماققا ۇلگى بولا الادى. قۇراما شتاتتار قىرعىز ەلىنىڭ ەكونوميكالىق جانە دەموكراتيالىق دامۋىن قۋاتتايدى، ايماقتارداعى تۇراقتىلىق پەن قاۋىپسىزدىكتى قولدايتىنىن باعالايدى جانە ەكى ەلدىڭ يگىلىگى ءۇشىن ىنتىماقتاستىقتى دامىتۋدى كۇتەمىز»، –دەپ اتاپ ءوتتى اقش مەملەكەتتىك حاتشىسى.
اباي-اقپارات
