قازىعۇرت اۋدانىندا تاۋەلسىزدىگىمىزدىڭ 25 جىلدىعى مەرەكەسىنە جانە ءبىلىم كۇنىنە وراي اۋدانىمىز التى مەكتەپتى سىيعا تارتىپ وتىر.

اتاپ ايتقاندا، اۋداننىڭ قاقپاق اۋىلىنان 300 ورىندىق ءبىر مەكتەپ، كوكىبەل، قىزىلديحان، جۇمىسشى جانە ەڭبەكشى اۋىلدارىنان 200 ورىندىق بەس مەكتەپ پەن تەسىكتوبە ەلدى مەكەنىنەن 150 بالاعا شاقتالعان ءبىر ءبىلىم وشاعى وقۋشىلار ءۇشىن ەسىگىن ايقارا اشتى. ءتورت اپاتتى، ەكى ىڭعايلاستىرىلعان ءبىلىم وردالارىنىڭ جويىلۋىن ماقسات ەتكەن بۇل قۇرىلىستارعا ۇلتتىق قور مەن وبلىستىق بيۋدجەتتەن 2,5 ملرد. تەڭگە قارجى جۇمسالدى.

سونىڭ ءبىرى – قاقپاق اۋىلدىق وكرۋگىنەن «نۇرلى جول» باعدارلاماسى اياسىندا سالىنعان 300 ورىندىق قاقپاق جالپى ورتا مەكتەبى. بۇل مەكتەپكە ۇلتتىق قوردان 540 ملن. تەڭگە قارجى ءبولىنىپ، مەردىگەر مەكەمە 7 ايدىڭ ىشىندە قۇرىلىستى ساپالى اياقتاپ شىقتى.

اشىلۋ سالتاناتىنا قاتىسقان وبلىس اكىمىنىڭ ورىنباسارى س.تۇياقباەۆ بارشا تۇرعىنداردى مەرەكەمەن قۇتتىقتاپ، اۋىل حالقىنىڭ قۋانىشىمەن ءبولىستى. سالتاناتتى جيىن كەزىندە س.تۇياقباەۆ اۋداندا اشىلىپ جاتقان ءبىلىم وشاقتارىنىڭ ۇجىمىنا وبلىس اكىمىنىڭ سىيىن تارتۋ ەتتى.

جاڭا مەكتەپتەر زامان تالابىنا ساي مۋلتيمەديالىق، لينگوفوندى كابينەتتەرمەن جابدىقتالعان. سونداي-اق، فيزيكا، حيميا، بيولوگيا كابينەتتەرى ارنايى تالاپقا ساي قۇرال-جابدىقتارمەن قامتاماسىز ەتىلسە، قوسىمشا سپورت زال مەن اسحانا جايلارى دا بار.

ايتا كەتكەن ءجون، بيىلعى جاڭا وقۋ جىلىندا اۋدان بويىنشا 27 مىڭنان استام وقۋشى ءبىلىم الاتىن بولسا، سونىڭ بيىل 2970-ءى 1-سىنىپقا باردى.

Abai.kz