بۇگىن ءوڭىر باسشىسى ب.اتامقۇلوۆ وبلىسىمىزعا ىسكەرلىك ساپارمەن كەل-گەن يزرايلدىك «YR-Mitrelli Group» كومپانياسىنىڭ وكىلدەرىمەن كەزدەستى. قۇ-رامىندا كومپانيانىڭ اتقارۋشى ديرەكتورى، باس مەنەدجەرى، استانا بانكىنىڭ وكىلى جانە «ULLIT Eurasia» جش-ءنىڭ باس ديرەكتورلارى بولعان دەلەگاتسيا ءمۇ-شەلەرىنىڭ باسقوسۋىندا وبلىستاعى ينۆەستيتسيالىق جوبالاردى جۇزەگە اسىرۋ ماسەلەلەرى تالقىلاندى. بۇل تۋرالى وقو اكىمىنىڭ ءباسپاسوز قىزمەتى حابارلايدى.

اتاپ ايتقاندا، تاراپتاردىڭ ءوزارا جيىنىندا، اوك جانە ەنەرگەتيكا سا-لالارىنا يننوۆاتسيالىق تەحنولوگيالاردى ەنگىزۋ، «ساسىقكول» قويماسىن تازا-لاۋ جانە حاۋىزىن جاڭارتۋ ماسەلەلەرى قارالدى. مۇنان بولەك، قالالىق تەتس-1, تەتس-2 مەن شىمكەنت قالاسىنىڭ اۋەجايىن جاڭعىرتۋ (مودەرنيزاتسيالاۋ) جانە ءىت تەحنولوگيالار مەن SMART شەشىمدەردى ءوڭىر تىرشىلىگىنە ەندىرۋ جاي-لارى دا ايتىلدى.

ايتا كەتەيىك، «YR-Mitrelli Group» كومپانياسى افريكا، وڭتۇستىك امە-ريكا، ءۇندىستان مەن قىتاي جانە تمد ەلدەرىندە ءىرى ماسشتابتى، ۇزاق مەرزىمدى جوبالاردىڭ نەگىزىن سالىپ، ازىرلەپ، جۇزەگە اسىرۋمەن اينالىسادى. 20 جىلدان استام ۋاقىتتان بەرى «YR-Mitrelli Group» كومپانياسى دەنساۋلىق ساقتاۋ، سۋمەن قامتاماسىز ەتۋ، ەنەرگەتيكا، ءبىلىم بەرۋ، تۇرعىن-ءۇي قۇرىلىسى، اۋىل شارۋاشى-لىعى، ءىت جانە تەلەكوم جوبالارىن تۇراقتى قامتاماسىز ەتۋ جۇيەسى سالاسىندا الەمنىڭ ءتۇرلى مەملەكەتتەرىندە جۇمىس جاساپ كەلەدى.

Abai.kz