"دحر كونسۋلدىعى" دەلىنەتىن مەكەمەنى چەحيانىڭ وستروۆا قالاسىندا اشۋ كوزدەلگەن. مەكەمە قىزمەتكەرلەرىنىڭ ايتۋىنشا، ورتالىق "ەشكىم بىلمەيتىن ەل تۋرالى ەۋروپاعا شىنايى حابار تاراتۋمەن" اينالىسادى، دەپ حابارلادى چەحيا راديوسى.

چەحيانىڭ سىرتقى ىستەر مينيسترلىگى مۇنداي "وكىلدىكتىڭ" اشىلۋىنا قارسى شىقتى. "دحر" حالىقارالىق قۇقىق سۋبەكتىسى بولماعاندىقتان، باسقا ەل اۋماعىندا كونسۋلدىق اشۋعا قۇقىعى جوق. چەح ديپلوماتتارىنىڭ ايتۋىنشا، كەڭسە "دحر وكىلدىك ورتالىعى" قوعامدىق ۇيىمى رەتىندە تىركەلگەن.

دونەتسك حالىق رەسپۋبليكاسى دەلىنگەن قۇرىلىمدى رەسەيشىل سەپاراتيستەر ۋكراينانىڭ وڭتۇستىك-شىعىسىندا 2014 جىلدىڭ كوكتەمىندە قۇردى. كيەۆ جانە باتىس ەلدەرى رەسەيدى ۋكراينانىڭ شىعىسىندا سەپاراتيستەردى قولداپ، وعان قارۋ-جاراق پەن اسكەر بەردى دەپ ايىپتاپ كەلەدى. كرەمل بۇل ايىپتاردى جوققا شىعارىپ وتىر.