جۇما, 29 ناۋرىز 2024
دەپ جاتىر 5526 0 پىكىر 29 تامىز, 2016 ساعات 11:59

وزبەك بۇلىنبەسىن!

بەلگىلى جۋرناليست سەرىك جانبولات سىرقاتتانىپ قالعان وزبەكستان پرەزيدەنتى يسلام كارىموۆتىڭ اۋرۋى اسقىنار بولسا، ونىڭ ارتى نەگە الىپ كەلەرىنە بولجام جاساپتى. 

– وزبەكستان پرەزيدەنتى يسلام اكانىڭ ءينسۋلتى ميلليونداردىڭ باس اۋرۋىنا اينالىپ كەتۋى مۇمكىن بە؟ ابدەن مۇمكىن. ابدەن مۇمكىن، ەگەر يسلام اكا ناۋقاسىنان ايىقپاسا، نە ونىڭ ورنىنا سونداي ءامىر-تەمىر مۇراگەر كەلمەسە.

ويتكەنى، وزبەكستان ءبىراز جىلدىڭ ىشىندە ايماقتىق دەرجاۆاعا اينالىپ ۇلگەردى. ءوز تەرريتورياسىنداعى ۇلىستار مەن رۋلاردى، وزگە ۇلت وكىلدەرىن وزبەك ۇلتىنا اينالدىردى.

ەشكىمدى تىرپ ەتكىزبەيتىن، بۇلعاقتاعانداردىڭ باسىن قاعىپ تاستايتىن تەمىردەي ءتارتىپ جۇيەسىن قۇرىپ الدى.

سىرتقى قارىزى جوق. ەكونوميكاسى ىشكى وندىرىسكە نەگىزدەلگەن. ءتاستۇيىن ارمياسى بار.

مىنە، سوندىقتان دا وزبەكستان بۇگىن اۋعانىستان تالىپتەرىنە قارسى تۇرا الاتىن ايماقتاعى جالعىز كۇش، كىمگە بولسا دا توتەپ بەرە الاتىن ءتاستۇيىن جۇدىرىق.

تالىپتەردىڭ ورتالىق ازياعا دەندەپ ەنىپ كەتۋىنە كەدەرگى بولىپ وتىرعان — وزبەكتىڭ قۋاتى. اراققا تويىپ الىپ، توبەلەس ىزدەيتىن اۋىلدىڭ اۋمەسەرى سياقتى رەسەيدىڭ ءوزى وزبەكستاندى مۇيىزدەردە مىڭ رەت ويلانادى. دۇنيەنى جالماپ كەلە جاتقان ازيانىڭ اجداھاسى دا وزبەكتىڭ تاماعىنان وتپەي قالاتىنىن جاقسى سەزىنەدى.

ويتكەنى، وزبەك اعايىن ۇلت پەن مەملەكەتتىڭ بىرلىگىنە قاجەت زاڭدىلىقتار مەن ءداستۇر-سالتتاردى، فيلوسوفيا مەن ءدىنىن نەگىزدەپ ۇلگەردى.

بۇل جەردە يسلامنىڭ تەرەڭ تامىرى بار. وزبەكتەر شىن مانىندە يسلام دىنىنە بەرىك. سول سەبەپتى دە وزبەك بيلىگى ءدىن ساياساتىن ۋىسىنان شىعارماي كەلدى. ءۋاحابيزمدى جولاتقان جوق.

ال، كىشى ازيانى استان-كەستەن ەتىپ جاتقان ءدىني اعىمدار وزبەكستانعا ءوتىپ كەتسە، نە بولاتىنىن كوزگە ەلەستەتۋدىڭ ءوزى قيىن. وندا سيريا مەن يراكتىڭ اينالاسىنداعى دۇربەلەڭ جولدا قالاتىن شىعار؟

جەر شارىن جەكە مەنشىگىندەي كورىپ، قالاعانىن جاتقىزىپ-تۇرعىزاتىن كۇشتىلەرگە وزبەكستاننىڭ السىرەگەنى كەرەك. سوندا ولار بۇل جەردە دە ساياسي ويىندارىن ەركىن جۇرگىزەتىن بولادى. وتىز ميلليوننىڭ قولىنا وت بەرىپ، الاساپىرانعا سالىپ قويۋ دەگەن نە ولارعا؟ وندا ورتالىق ازيا وتقا وراندى دەي بەرىڭىز. وندا ورتالىق ازيا تالان-تاراجعا، ۇلت تاعدىرى — تالاپايعا تۇسەدى.

بەتىن اۋلاق قىلسىن ول پالەنىڭ! وزبەكستان بۇلىنبەسىن.

جۋرناليست سەرىك جانبولاتتىڭ الەۋمەتتىك جەلىدەگى پاراقشاسىنان الىندى  

Abai.kz

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3544