نەمىس جۋرناليستەرى مەن فرانكفۋرت زوولوگيالىق قوعامىنىڭ (FSZ) زەنرتتەۋشىلەرى قازاقستانداعى كيىكتەردىڭ جاپپاي قىرىلۋى تۋرالى ينتەراكتيۆتى دەرەكتى فيلم جاسادى، دەپ حابارلايدى DW.

2015 جىلى بەتپاقدالاداعى كيىكتەر ءوسىپ-ءونۋى جاپپاي قىرىلۋىن عالىمدار ءالى كۇنگە دەيىن انىقتاۋعا تىرىسۋدا، سول ءۇشىن «Saigas in distress» (كيىكتەر قىرىلۋى) ءفيلمىنىڭ اۆتورلارى قىزىل كىتاپقا ەنگىزىلگەن جانۋاردىڭ مەكەن ەتەتىن جەرلەرىن ارالاعان.

ينتەراكتيۆتى دەرەكتى ءفيلمدى مىنا جەردەن كورۋگە بولادى.

وتكەن جىلى مامىر ايىندا كيىكتەردىڭ بەتپاقدالا پوپۋلياتسياسىنىڭ جاپپاي قىرىلۋىنا قاتىستى ءتۇرلى پىكىرلەر، بولجامدار ايتىلدى. كيىكتەردى ساقتاۋ اليانسى (SسA) ء وز قورىتىندىسىن جانۋارلار ۇرپاق وربىتەتىن، ءارى بارىنشا السىرەيتىن ماۋسىمدا ياعني كوكتەمدە جاريالاپ وتىر. ولەكسە تىندەردىڭ بيوۇلگىلەرىن زەرتتەگەن بىرقاتار زەرتتەۋ 2015 جىلى كيىكتەردىڭ جاپپاي قىرىلۋىنا سەبەپ پاستەرەلليوز — Pasteurella multocida ەكەنىن انىقتادى.

بۇل قوزدىرعىش ادەتتە اقبوكەننىڭ تىنىس جولدارىندا زيانىن تيگىزبەي ءومىر سۇرە بەرەدى. الايدا وسى جولى باكتەريا باقىلاۋدان شىعىپ كەتكەن. بۇل شوپقورەكتى جانۋارلار اراسىندا ۋاقىت وتە كەلە بولاتىنى بەلگىلى، بىراق ءولىم-ءجىتىم 100 پايىزعا ەش ۋاقىتتا جەتپەگەن. قازىر عالىمدار پاستەرەلليوزدىڭ وسىنشالىقتى قىرىلۋعا قالايشا الىپ كەلگەنىن انىقتاۋعا تىرىسۋدا.

وتكەن جىلى كيىكتەر جاپپاي قىرىلعانعا دەيىن ولاردىڭ جاھاندىق پوپۋلياتسياسى 262 000 شاماسىندا بولدى. قازىرگى ۋاقىتتا ولاردىڭ سانى كەمىگەن 100 مىڭعا جەتپەيدى.

ەسكە سالا كەتسەك، 2015 جىلى مامىر ايىنىڭ ورتاسىندا ەلىمىزدە كيىكتەر قىرىلدى.

دەرەككوزى: قازاقپارات  اگەنتتىگى

Abai.kz