وسى جىلدىڭ 1–تامىزىنان باستاپ وقو ءىىد جەرگىلىكتى پوليتسيا قىزمەتىنىڭ وكىلدەرى  وبلىس بويىنشا كولىكتىك باقىلاۋ ينسپەكتسياسىمەن  بىرگە  وڭتۇستىك قازاقستان وبلىسى كولەمىندە كولىكتەردىڭ تەحنيكالىق جاعدايىن قاتاڭ تەكسەرۋ جانە جۇك كولىكتەرى جۇرگىزۋشىلەرىنىڭ قر جقە تالاپتارىن ساقتاۋىن باقىلاۋ ماقساتىندا  «نولدىك قاۋىپتىلىك»  جەدەل-الدىن الۋ ء ىس–شارالارىن جۇرگىزۋدە.

ماسەلەن، اتالعان ءىس-شارا شەڭبەرىندە 17 تامىز كۇنى    اقدالا–ارىس – بادام اۋدانارالىق اۆتوجولىن باقىلاۋعا العان  وقو ءىىد جپق جول-پاترۋلدىك  پوليتسيا پولكىنىڭ قىزمەتكەرلەرى  ونداعى جۇك كولىكتەرىنە تەكسەرۋ جۇرگىزىپ، جول قوزعالىسى ەرەجەلەرىن بۇزۋدىڭ 28 دەرەگىن انىقتادى. 

اتاپ ايتار بولساق، اۆتوكولىكتى باسقارۋ كەزىندە ۇيالى تەلەفون قولدانۋدىڭ – 6 دەرەگى، قاۋىپسىزدىك بەلدىگىن تاقپاعاننىڭ – 5 دەرەگى، كۇندىزگى جارىق شامدارىن قوسپاعاننىڭ –7 دەرەگى،  تەحنيكالىق بايقاۋدان وتپەگەننىڭ – 4 دەرەگى، مانەۆر جاساۋ ەرەجەلەرىن بۇزۋدىڭ –1 دەرەگى بويىنشا اكىمشىلىك حاتتاما تولتىرىلىپ، جۇرگىزۋشىلەر جاۋاپقا تارتىلدى. سونداي-اق،  ارنايى رۇقساتسىز بەلگىلەنگەن مولشەردەن تىس جۇك تيەگەن  3 جۇك كولىگى اقىلى ايىپتۇراققا توعىتىلدى.

وبلىستىڭ اۆتوجولدارىنداعى جالپى قوزعالىستى باقىلاۋعا العان جەرگىلىكتى پوليتسەيلەر «نولدىك قاۋىپتىلىك» جەدەل-الدىن الۋ ءىس-شاراسى اياسىندا جۇك جانە جەڭىل كولىكتەرمەن جول قوزعالىسى ەرەجەسىن بۇزۋشىلىقتىڭ 7000-نان استام دەرەگىن اشكەرەلەدى. اتالعان ءىس-شارانىڭ جالعاسۋى جوسپارلانۋدا.

Abai.kz