شىمقالادا باستاۋ العان قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالعان ءشامشى قالداياقوۆ اتىنداعى «مەنىڭ قازاقستانىم» وبلىستىق ءان بايقاۋىندا ءوڭىرىمىزدىڭ اۋدان، قالالارىنان  ۇمىتكەرلەر باق سىناپ، كيەلى وتىرار جەرىندە جالعاسىن تاپقان بولاتىن. بۇل تۋرالى «Abai.kz» پورتالى  ارىس قالاسى اكىمىنىڭ ءباسپاسوز قىزمەتىنە سىلتەمە جاساي وىتىرپ حابارلايدى.

ءان الەمىنىڭ پاديشاسى، ۆالس كورولى كومپوزيتور – ءشامشى قالداياقوۆ اتىنداعى ءداستۇرلى «مەنىڭ قازاقستانىم» وبلىستىق ءان بايقاۋىندا جەرلەسىمىز ادىلبەكوۆا جۇلدىز باۋىرجانقىزى ش.قالداياقوۆتىڭ ءانى «اقماڭدايلىم»، ت.زابيروۆانىڭ «ومىرگە عاشىقپىن» اتتى اندەرىن ورىنداپ، وبلىس اكىمىنىڭ ارنايى جۇلدەسىمەن ماراپاتتالدى.

جۇلدىز الماتى قالاسىنداعى قازاق مەملەكەتتىك قىزدار پەداگوگيكالىق ۋنيۆەرسيتەتىنىڭ مۋزىكالىق ءبىلىم ماماندىعى بويىنشا ءبىتىرىپ، تۋعان جەرگە ورالدى.

جاسىنان ونەر جولىندا ءجۇرىپ، اۋداندىق جانە وبلىستىق دەڭگەيدە ۇيىمداستىرىلعان بايقاۋلاردىڭ بىرنەشە رەت جەڭىمپازى، وبلىستىق اباي، شاكارىم وقۋلارىندا 2-ورىن، م.ماقاتاەۆ وقۋلارىندا 3-ورىن، الماتى قالاسىندا وتكەن كومپوزيتور ءو.بايدىلداەۆ اتىنداعى كونكۋرستىڭ باس جۇلدەسىنىڭ يەگەرى.   

بۇگىن قالا اكىمى س.ەرتاي ج.ادىلبەكوۆانى قابىلداپ، سىي-سياپات جاساپ، جۇلدەلى ورىندى يەلەنۋىمەن قۇتتىقتادى.

جۇلدىزعا الداعى ۋاقىتتا ونەر جولىندا شىعارماشىلىق تابىستار مەن بيىك بەلەستەردەن كورىنە بەرۋىنە تىلەكتەستىگىن ءبىلدىردى. 

Abai.kz