ءازىربايجاندا ف.گۇلەن جاقتاستارىن قۋدالاي باستادى
ءازىربايجاندا تۇرىكتىڭ ءدىن ۋاعىزداۋشىسى فەتحۋللاح گۇلەن جاقتاستارىنا قاتىستى قىلمىستىق ءىس اشىلدى. قازىر اقش-تا تۇراتىن وپپوزيتسيالىق قايراتكەردى تۇركيا بيلىگى اسكەري توڭكەرىس جاساۋعا تالپىندى دەپ ايىپتاپ وتىر. پروكۋراتۋرا گۇلەننىڭ ازىربايجانداعى جاقتاستارىنىڭ زاڭسىز ارەكەتتەرىنىڭ الدىن العىسى كەلەدى. بۇل تۋرالى بي-بي-سي حابارلادى.
قىلمىستىق ءىس اشۋعا "كونستيتۋتسيالىق قۇرىلىمدى كۇشپەن قۇلاتۋعا اشىق ۇندەۋلەر" تۇرتكى بولعان.
جاڭا ىستەگى كۇدىكتىنىڭ اتى-ءجونى جانە ونىڭ ناقتى نە ىستەگەنى بەلگىسىز. جەرگىلىكتى جۋرناليستەر ونىڭ وپپوزيتسيالىق حالىق مايدانى پارتياسىنىڭ مۇشەلەرى بولۋى مۇمكىن دەگەن بولجام جاساعان.
تۇركيا تاۋلى قاراباح جانجالىندا ءازىربايجاندى قولدايدى. ءازىربايجان بيلىگى رەسەي-تۇرىك قاتىناسى شيەلەنىپ كەتكەن تۇستا تۇركياعا قولداۋ ءبىلدىردى.
اباي-اقپارات
