قىرعىز مەكتەپتەرىندە ءدىني مادەنيەت تاريحى ءپانىن ەنگىزەدى
قىرعىزستانداعى 10 مەكتەپتە قىركۇيەكتەن باستاپ ء"دىني مادەنيەت تاريحى" ءپانى سىناق تۇرىندە وقىتىلا باستايدى. جاڭا وقۋلىق 9 سىنىپ وقۋشىلارىنا ارنالعان. بۇل تۋرالى ءدىن ىستەرى جونىندەگى مەملەكەتتىك كوميسسياسى حابارلادى. مەكەمە مالىمەتى بويىنشا، جاڭا ءپان ەنگىزۋ باستاماسىن قورعانىس مينيسترلىگى كوتەرگەن.
حابارلارعا قاراعاندا، وسىلايشا بيلىك وقۋشىلاردىڭ ءدىني ساۋاتىن اشۋدى، سول ارقىلى قىرعىز جاستارىن ءدىني راديكاليزمنەن ساقتاۋدى كوزدەپ وتىر.
جوبا اياسىندا ءدىن ىستەرى جونىندەگى مەملەكەتتىك كوميسسيا جاڭادان ەنگىزىلەتىن ءپاندى وقىتۋ ادىستەمەسى جونىندە ترەنينگتەر ۇيىمداستىرادى. وعان جەتپىس وبلىستاعى، سونداي-اق بىشكەك جانە وش قالالارىنداعى مەكتەپتەردىڭ ۇستازدارى قاتىسادى. مۇعالىمدەرگە ءپاننىڭ مازمۇنى مەن وقۋ ادىستەمەسى، بۇلارمەن قوسا شەتەل تاجىريبەسى تانىستىرىلادى.
اباي-اقپارات
