"تاجىكستاندارتتىڭ" حالىق تۇتىناتىن تاۋارلارعا مەملەكەتتىك باقىلاۋ ءبولىمىنىڭ باسشىسى ابدۋكاححور ماۆلونزودانىڭ مالىمدەۋىنشە، مەكتەپ كيىمىنە ساراپتاما جاساۋداعى ماقسات - بالا دەنساۋلىعىنا زياندى سينتەتيكالىق ماتانى شەكتەۋ جانە وتاندىق كاسىپكەرلىكتى قولداۋ. شەشىمگە سايكەس، مەكتەپ كيىمىنىڭ ماتاسى 60 پايىز ماقتادان، 30-35 پايىزى - سينتەتيكالىق ماتەريالدان تۇرۋى كەرەك.

اگەنتتىك شەنەۋنىكتەرىنىڭ ايتۋلارىنشا، بيىل وتاندىق كاسىپكەرلەر جوعارى ساپالى مەكتەپ ونىمدەرىن ۇسىنىپ وتىر. تاجىكستان بيلىگى وتاندىق نارىقتى جەرگىلىكتى وقۋشى كيىمدەرىمەن تولتىرىپ، يمپورتتىق ونىمدەردى ىعىستىرىپ شىعارۋعا بىرنەشە جىل بويى ارەكەتتەندى.

تاجىكستان ءبىلىم جانە عىلىم ءمينيسترى نۇريددين سايدوۆتىڭ ايتۋىنشا، "بيىل تىگىن كاسىپورىندارى مەكتەپتەردەن ءبىر ميلليوننان استام مەكتەپ كيىمىنە تاپسىرىس العان".

اباي-اقپارات