وڭتۇستىكتە نەگىزسىز تەكسەرۋلەردىڭ جولى كەسىلەدى. اسەرەسە، كاسىپكەرلەردىڭ ىسىنە توسقاۋىل بولاتىن زاڭسىز كەدەرگىلەر قاتاڭ قاداعالانىلادى. ءوڭىر پروكۋرورلارى سوزدەن ىسكە كوشىپ، وبلىستىڭ كاسىپكەرلەر پالاتاسىمەن كەلىسىمگە كەلدى. ەكى جاق بىرىگىپ، ەل ەكونوميكاسىنا ەلەۋلى ۇلەس قوساتىن بيزنەسمەندەردىڭ ءسوزىن سويلەيتىن بولادى.

وڭىرىمىزدە كاسىپكەرلەردىڭ قۇقىقتارىن قورعاۋدا جانە بيزنەستى دامىتۋدا جاڭا جوبا ىسكە اسادى. «وڭتۇستىك قازاقستان وبلىسى بيزنەسكە قولايلى ايماق» اتپەن اتالعان باستامانى وبلىس پروكۋراتۋراسى مەن كاسىپكەرلەر پالاتاسى جانە «نۇر وتان» پارتياسى بىرلەسىپ ازىرلەگەن. ايماقتا ينۆەستيتسيالىق احۋالدى جاقسارتۋ ماقساتىندا كوزدەلگەن جوبا 2017 جىلدىڭ 1 قاڭتارىنا دەيىن جۇزەگە اسىرىلادى. كەلىسىم-شارتقا قول قويعان تاراپتار كاسىپكەرلەردىڭ ىسىنە كەدەرگى كەلتىرگەندەرمەن اينالىسادى. ناتيجەسىندە ىسكەر ازاماتتاردىڭ سانى ارتىپ، ءوڭىر ەكونوميكاسى كوتەرىلدە. جۇمىسسىزدار سانى قىسقارادى.

اسقار ابۋباكىروۆ، وقو كاسىپكەرلەر پالاتاسىنىڭ ديرەكتورى: «بۇگىن ءبىز ناقتى ءىس-جوسپاردىڭ جول كارتاسىن تۇزدىك. بۇل كەلىسىم-شارتتىڭ بيزنەستىڭ دامۋىنا، جالپى ەكونوميكامىزعا قوسار ۇلەسى كوپ. ءبىز وسىدان ەكى جىل بۇرىن كاسىپكەرلەردىڭ ماسەلەسىن جەڭىلدەتۋ ماقساتىندا call-ورتالىعىن ىسكە قوسقان بولاتىنبىز. باستاپقى كەزدە ايىنا 20-30 كاسىپكەر كومەك سۇراپ حابارلاسقان بولسا، سوڭعى ۋاقىتتا شاعىمدانۋشى كاسىپ يەسىنىڭ سانى 50-60-قا دەيىن ارتتى. مىنە، بۇگىنگى جوبا سول كەدەرگىلەردىڭ ازايۋنى ىقپال ەتەدى. جوسپار ىسكە قوسىلعاننان كەيىن جىل سوڭىنا دەيىن كاسىپكەر سانى 15 پايىزعا وسەدى دەپ ۇمىتتەنەمىز.»

سونداي-اق، ايماقتا ينۆەستيتسيالىق احۋالدى جاقسارتۋدا اكىمشىلىك كەدەرگىلەرىمەن سىبايلاس جەمقورلىقتى جويۋ جول كارتاسى ءتۇزىلدى. ايتا وتەيىك، وسى ۋاقىتقا دەيىن كاسىپكەرلەردىڭ ءىسىن بوگەدى دەگەن كۇدىكپەن توعىز مىڭعا جۋىق تەكسەرۋ وتكەن. ونىڭ ءتورت مىڭى نەگىزسىز دەپ تانىلدى.

Abai.kz