كەشە ۇلى اقىن اباي قۇنانباەۆتىڭ 171 جىلدىعىنا وراي جانە «اباي پوەزياسى كۇنىنە» ارنالىپ ماقتارال اۋدانىنىڭ ورتالىعى جەتىساي قالاسىنداعى اباي گۇلزارىندا مەرەكەلىك كەش ۇيىمداستىرىلدى.

كەشتە ۇلى اقىننىڭ اندەرى شىرقالىپ، ءىس-شاراعا جينالعان جەتىسايدىڭ تۇرعىندارى مەن قوناقتارى اقىننىڭ پوەزياسىنا سۋسىندادى. سونىمەن قاتار، «اباي تاعلىمى – حالىق دانالىعى» دەگەن اتپەن كىتاپتار كورمەسى ءوتتى. اباي قۇنانباەۆتىڭ دانالىق سوزدەرىن، ايتقان وسيەتتەرىن ەسكە العان جۇرتشىلىق جانە جاڭادان ۇيلەنىپ جاتقان جاس جۇبايلار اباي ەسكەرتكىشىنە گۇل شوقتارىن قويدى.

مۇلىكتى جاريا ەتۋ جونىندەگى كوميسسيانىڭ اتقارعان جۇمىسى تۋرالى

مۇلىكتى جاريا ەتۋدى وتكىزۋ جونىندەگى كوميسسياعا بۇگىنگى كۇنگە 125 وتىنىش كەلىپ تۇسكەن، جاريالانعانى 123, باس تارتىلعانى 2. جاريالانعان مۇلىكتەر 41 تۇرعىن ءۇي،  5 تۇرعىن ەمەس عيماراتتار جانە  77 كومەرتسيالىق نىسان. جاريالانعان مۇلىكتەردىڭ جالپى قۇنى 1 266 275 000 تەڭگە.

مۇلىكتى  جاريا ەتۋدى جانداندىرۋ ماقساتىندا اۋدانداعى كوشە بويلارىنا 10 بيلبورد ورناتىلىپ، ينتەرنەت رەسۋرستاردا 17 ماتەريالدار ەنگىزىلگەن، تەلەارنا ارقىلى 1 ۆيديوروليك كورسەتىلگەن. مۇلىكتى جاريا ەتۋ بويىنشا بۇگىنگى كۇنگە 38 ماقالا گازەتكە جاريالانىپ، 120 رەت اۋدان كولەمىندە ءتۇسىندىرۋ سەمينارلار وتكىزىلىپ، حاتتامالار ءتۇزىلدى.

Abai.kz