ايماقتا 2022 جىلعا دەيىن مىڭعا جۋىق ترانسفورماتوردى جاڭارتۋ جوسپاردا. سونداي-اق 20 ەلەكترمەن قامتۋ نىسانى سالىنىپ، 4 مىڭ شاقىرىمنان استام جەلى مەن 844 جابدىق قايتا جاڭعىرتىلماق. 

بۇل ءوڭىر حالقىن ەنەرگيامەن تۇراقتى قامتىپ، شىعىندى 10 پايىزعا ازايتۋعا مۇمكىندىك بەرەدى.   

شىمكەنتتىڭ ىرگەسىندە جەكە سەكتورداعى 60-قا جۋىق ءۇيدىڭ تۇرعىندارى 3 اپتا جارىقسىز قالدى. 

ترانسفورماتوردىڭ ىستەن شىعۋى ولاردىڭ كۇيىن 90 جىلدارداعى قيىن كەزەڭگە كەرى شەگىندىردى. 

جابدىقتى جوندەپ، جاعدايدى رەتكە كەلتىرۋگە بولار ەدى. بىراق جەرگىلىكتى حالىق ءۇشىن ستراتەگيالىق ماڭىزدى قوسالقى ستانتسيا جەكەنىڭ يەلىگىندە.

ماسەلەنى شەشۋ ءۇشىن وڭىردە 20 ەلەكترمەن قامتۋ نىسانى، ال شىمكەنتتە ءۇش قوسالقى ستانتسيا سالىنادى. بۇل شاھاردىڭ سولتۇستىك بولىگىنە قۋات كوزىن جەتكىزۋگە سەپ. 

ال «قىزىل اسكەر» نىسانى ماقتارال، شاردارا مەن سارىاعاش اۋداندارىندا قۋات بەرۋدى جاقسارتۋعا ىقپال ەتەدى.  

نۇرالحان ءشارىپوۆ، وقو ەنەرگەتيكا جانە تكش باسقارماسى جەتەكشىسىنىڭ ورىنباسارى  

-جوسپارلانعان قارجى كولەمى 38 ميلليارد تەڭگەگە جۋىق. ءبىر مىڭ ترانسفورماتور جاڭاسىنا اۋىستىرىلادى. ولار جىل سايىن اۋىستىرىلىپ تۇرادى. بيىل 1 جارىم مىڭعا جۋىعى جاڭارتىلدى.

بۇل شارالار بەس جىلدا ىسكە اسپاق. ازىرگە شىمكەنتتىڭ ىرگەسىندەگى جاڭا ۇيلەردە تۇراتىن جۇرتشىلىق ترانسفورماتوردى وزدەرى ساتىپ الۋدا. 

اكىمدىكتەگىلەر: «ترانسفورماتور ەلەكتر قۋاتىن تاسىمالداۋشى كومپانيانىڭ قاراۋىنا الىنادى»، – دەپ ۋادە ەتتى. جارىق ماسەلەسى سوندا تۇبەگەيلى شەشىلمەك. بىراق ناقتى قاي كەزدە ورىندالاتىنىن ءدوپ باسىپ ايتقان جوق.  

اۆتورلارى: باعدات بەكتۇرعانقىزى، ناتاليا تسوي، نۇرماحان مۇساتوۆ، نۇرماحان بەكمۇراتوۆ 

دەرەككوزى: elarna.com

Abai.kz