قالا باسشىسى قۇرىلىس نىساندارىن ارالادى. بۇل تۋرالى «Abai.kz» پورتالى وڭتۇستىك قازاقستان وبلىسىنا قاراستى ارىس قالاسى اكىمىنىڭ رەسمي سايتىنا سىلتەمە جاساي وتىرىپ حابارلايدى.

اتالعان سايتتىڭ مالىمەتتەرىنە سۇيەنسەك، شاھار باسشىسى سەيىت مىرزاقۇلۇلى قۇرىلىسى ءجۇرىپ جاتقان قالامىزداعى وتىرار مولتەك اۋدانىنداعى جانە ابدىرازاقوۆ كوشەسىندەگى ورتاشا جوندەۋ، اياقجولدار توسەۋ، كارىز جۇيەسىن قالپىنا كەلتىرۋ جانە جارىقتاندىرۋ جۇمىستارىمەن تانىستى.

ماقساتى قۇرىلىس جۇمىستارىنىڭ ساپالى جانە ءتيىستى مەرزىمىندە بەرىلۋىن قاداعالاۋ بولىپ تابىلادى.

نىساندى ارالاۋ بارىسىندا قالا اكىمى س.ەرتاي جۇرگىزىلىپ جاتقان قۇرىلىس نىساندارى مەن كوشەلەردىڭ ورتاشا جانە كۇردەلى جوندەۋ جۇمىستارىنىڭ ساپالى بولۋىنا ءمان بەرىپ، مەردىگەر مەكەمە باسشىلارىنا جۇمىسشىلاردى «جۇمىسپەن قامتۋ جانە الەۋمەتتىك باعدارلامالار» ءبولىمى مەملەكەتتىك مەكەمەسىنە تىركەلگەن جەرگىلىكتى جۇمىسسىز  ازاماتتاردان جاساقتاۋدى جانە قۇرىلىس ماتەريالدارىن ساتىپ الۋدا وتاندىق ونىمدەرگە باسىمدىق بەرۋدى تاپسىردى.

ايتا كەتەيىك، اعىمداعى جىلى وقو-دا «نۇرلى جول» باعدارلاماسى بويىنشا 27 نىساننىڭ قۇرىلىسى جۇرگىزىلۋدە. اتاپ ايتار بولساق، 23 ءبىلىم نىساندارى، 1 جاتاقحانا قۇرىلىسى جانە 3 ينجەنەرلىك ينفراقۇرىلىم جۇيەلەرى بار. سونداي-اق، وقو مەملەكەتتىك ساۋلەت-قۇرىلىس باقىلاۋى باسقارماسى باعدارلاما اياسىندا سالىنىپ جاتقان نىساندارعا تەكسەرۋدىڭ وزگە دە تۇرلەرىمەن باقىلاۋ جۇرگىزىپ، انىقتالعان كەمشىلىكتەردى جويۋ جونىندە مەردىگەر مەكەمەلەرگە 16 نۇسقاما بەرىلگەن بولاتىن.

Abai.kz