سايرام اۋدانى، اقسۋكەنت اۋىلىنىڭ تۇرعىنى زاكىرجان ابدۋللاەۆ مال بورداقىلاۋدى كاسىپكە اينالدىرعانىنا 6 جىلدىڭ ءجۇزى بولدى.  العاشىندا 5-6 ءىرى قارانى سەمىرتۋدى باستاعان ول بۇگىندە ولاردىڭ سانىن 100-گە جەتكىزدى.  3 اي بۇرىن «ماكسيمۋم» ايماقتىق-ينۆەستيتسيالىق ورتالىعىنان جىلدىق 7 پايىزبەن 15 ملن.تەڭگە نەسيە الىپ، كاسىبىن جانداندىرعان جك «ابدۋللاەۆ» ەڭبەك ۇجىمىنىڭ اۋداندىق كاسىپكەرلەرگە قىزمەت كورسەتۋ ورتالىعىنا ايتار العىسى مول. كاسىپكەرلەر پالاتاسى اۋداندىق فيليالىنىڭ كونسۋلتانت-مەنەدجەرى قايرات اسىلبولاتوۆ «ماكسيمۋم» ايو-نان از مولشەردەگى پايىزبەن نەسيە الۋىنا قۇجاتتارىن راسىمدەۋگە زاڭ اياسىندا قىزمەت كورسەتكەن، ءجون سىلتەگەن. 

– نەگىزىنەن، ءتىس دارىگەرى مامانىمىن. ماماندىعىم بويىنشا 1 جىلداي جۇمىس اتقاردىم. بۇل كاسىپتى اعالارىمنان ۇيرەندىم. وتباسىمىزدىڭ بۇل كاسىپپەن اينالىسىپ جۇرگەنىنە 15 جىلدان استى. وسى سالادا جەتىستىككە جەتەتىنىمە كوزىم جەتىپ، جەكە اينالىسۋدى ءجون كوردىم، - دەيدى 29 جاستاعى كاسىپكەر. ونىڭ اقسۋكەنتتە جەكە مال سوياتىن ورنى بار. كۇنىنە 2-2,5 تونناعا دەيىن مال بورداقىلاپ، ەتىن الماتىعا جونەلتەدى ەكەن. مال بورداقىلاپ، ءىسىن دوڭگەلەتىپ وتىرعان كاسىپكەر ز.ابدۋللاەۆ 8 ادامدى جۇمىسپەن قامتىعان. جانىنا جاقىن كاسىپتى تابىس كوزىنە اينالدىرىپ، وزىنە عانا ەمەس، اينالاسىنداعىلارعا دا پايداسىن تيگىزىپ وتىر. 

دەرەككوزى:«مارتوبە-اقپارات»

Abai.kz