تاجىكستان ءدىن ەركىندىگىن شەكتەۋشى ەلدەردىڭ قاتارىنا ەندى
اقش-تىڭ ءدىن جونىندەگى كوميسسياسى (USCIRF) تاجىك بيلىگىن مۇسىلماندارعا عانا ەمەس، پروتەستانتتىق جانە حريستياندىق "يەگوۆو كۋاگەرلەرىنە" ءدىن ۇستانۋعا كەدەرگى كەلتىردى دەپ سىناپ، تاجىكستاندا "اسا قاۋىپتى" ەلدەر ساناتىنا قوستى.
ەسەپ 10 تامىزدا جاريالاندى. اقش-تىڭ ءدىن جونىندەگى كوميسسياسىنىڭ مالىمدەۋىنشە، تاجىك بيلىگى بىرقاتار شەنەۋنىكتىڭ "سالافيا" اعىمى مەن شيىتتىك باعىتتى ۇستانۋىنا الاڭداپ وتىر. ەسەپتە ءدىن ۇستانۋشىلاردىڭ اراسىندا ەكسترەميستەر مەن قىلمىسكەرلەردىڭ بولۋىنا بايلانىستى، بيلىك ولاردى قاتاڭ باقىلاۋعا العانى جازىلعان.
تاجىكستان باس پروكۋراتۋراسىنىڭ وكىلى دىنگە شەكتەۋ قويىلادى دەگەندى جوققا شىعاردى. باس پروكۋراتۋرانىڭ قۇقىقپەن قامتاماسىز ەتۋ ءبولىمىنىڭ باسشىسى مادريزو حاليفاەۆتىڭ مالىمدەۋىنشە، ءدىني سەنىمى ءۇشىن ەشكىم قۋدالانعان جوق، ۇستالعاندار مەن قامالعانداردىڭ بارلىعىنىڭ تىيىم سالىنعان ءدىني ۇيىمدارعا قاتىسى بولعان.
تاجىكستاندا 2009 جىلدان، اسىرەسە ءدىن تۋرالى جاڭا زاڭ قابىلدانعالى بەرى حالىقارالىق ۇيىمدار مەن باتىس ەلدەرىنىڭ سىنى جيىلەپ كەتتى. ولار مەشىتتەردى جاۋىپ، حيدجاب كيۋگە تىيىم سالىپ، ءدىن ۇستاۋشىلاردى قۋدالاعىنى ءۇشىن تاجىك بيلىگىن سىنادى.
اباي-اقپارات
