قر پرەزيدەنتى اكىمشىلىگىنىڭ كەلىسىمى جانە تۇلكىباس اۋداندىق ءماسليحاتىنىڭ كەلىسىمى بويىنشا وڭتۇستىك قازاقستان وبلىسى اكىمىنىڭ وكىمىمەن تۇلكىباس اۋدانىنىڭ اكىمى لاۋازىمىنا اۋەلحان ەلتايۇلى تۇرعىمبەكوۆ تاعايىندالدى. بۇل تۋرالى وقو اكىمىنىڭ ءباسپاسوز قىزمەتى حابارلايدى.

ءا.ە. تۇرعىمبەكوۆ 1959 جىلى تۋىلعان، قازاق، ءبىلىمى جوعارى، ينجەنەر-مەحانيك، ينجەنەر-ەكونوميست.

ەڭبەك جولىن 1981 جىلى شىمكەنت وبلىسى لەنگىر اۋدانى «سەلحوزتەحنيكا» وندىرىستىك بىرلەستىگىنىڭ اعا ينجەنەر-تەحنولوگى رەتىندە باستاعان. 1983-1994 جىلدارى لەنگىر اۋداندىق كومسومول كوميتەتىنىڭ نۇسقاۋشىسى جانە حاتشىسى، شىمكەنت وبلىستىق كومسومول كوميتەتىنىڭ سەكتور مەڭگەرۋشىسى، شىمكەنت وبلىستىق حالىقتىق باقىلاۋ كوميتەتىنىڭ نۇسقاۋشىسى، وڭتۇستىك قازاقستان وبلىسى اكىمشىلىگى ۇيىمداستىرۋ-تالداۋ ءبولىمىنىڭ ينسپەكتورى، تولەبي اۋدانى اكىمىنىڭ ءبىرىنشى ورىنباسارى لاۋازىمدارىن اتقارعان. 1994-2009 جىلدارى وڭتۇستىك قازاقستان وبلىسى اكىمى اپپاراتى ۇيىمداستىرۋ - ينسپەكتورلىق ءبولىمىنىڭ مەڭگەرۋشىسى، اپپارات باسشىسىنىڭ ورىنباسارى - ۇيىمداستىرۋ-ينسپەكتورلىق ءبولىمىنىڭ مەڭگەرۋشىسى جانە اپپارات باسشىسى، شاردارا جانە سايرام اۋداندارىنىڭ اكىمى، «نۇر-وتان» حالىقتىق دەموكراتيالىق پارتياسىنىڭ وڭتۇستىك قازاقستان وبلىسى بويىنشا فيليالى توراعاسىنىڭ ءبىرىنشى ورىنباسارى، وڭتۇستىك قازاقستان وبلىسى اكىمىنىڭ كەڭەسشىسى قىزمەتتەرىن اتقارعان.

2009 جىلدىڭ شىلدە ايىنان باستاپ وڭتۇستىك قازاقستان وبلىسى تولەبي اۋدانىنىڭ اكىمى بولىپ ەڭبەك ەتىپ كەلدى.

Abai.kz