بۇل جونىندە 365info.kz پورتالى الماتى قالاسى ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساي وتىرىپ حابارلادى.

جالعاس كەلدىباەۆ

-بۇگىن 2016 جىلعى 11-تامىزدا تاڭعا جۋىق №12 قالالىق كلينيكالىق اۋرۋحاناسىنىڭ جانساقتاۋ بولىمىندە ازامات رۋسلان كۇلىكباەۆتىڭ قۇقىققا قارسى ارەكەتتەرىنە تويتارىس بەرۋ كەزىندە اۋىر جاراقات العان پوليتسەي قازا بولدى. دارىگەرلەر ءتارتىپ ساقشىسىنىڭ احۋالىن اسا اۋىر دەپ باعالاعان ەدى. ولار پوليتسەيدەن ءومىرىن اجالدان اراشالاۋ ءۇشىن قولدان كەلگەننىڭ بارلىعىن جاسادى. بىراق سۇم اجال دەگەنىنە جەتتى، — دەلىنگەن ءباسپاسوز قىزمەتى تاراتقان اقپاراتتا.

پوليتسيا سسرجانتى كەلدىباەۆ جالعاس امانبايۇلى 1992 جىلعى 1-قىركۇيەكتە دۇنيەگە كەلگەن، الماتى قالاسى ىشكى ىستەر دەپارتامەنتى جەرگىلىكتى پوليتسيا قىزمەتى جول-پاترۋل پولكىنىڭ پوليتسەيى. ىشكى ىستەر ورگاندارىندا 2014 جىلدان قىزمەت ەتكەن. وتباسىلىق جاعدايى – ۇيلەنبەگەن.

-الماتى قالاسى ىشكى ىستەر دەپارتامەنتىنىڭ باسشىلىعى، ارداگەرلەر كەڭەسى جانە جەكە قۇراما جالعاس كەلدىباەۆتىڭ قايعىلى قازاعا ۇشىراۋىنا بايلانىستى مارقۇمنىڭ تۋعان-تۋىستارى مەن جاقىندارىنا قايعىلارىنا ورتاقتاسىپ، كوڭىل ايتادى، — دەلىنگەن پوليتسيا اقاپاراتىندا.

Abai.kz