مەملەكەت باسشىسى اۋىر اتلەتيكا سايىسىندا التىن مەدال يەلەنگەن ن.راحيموۆتى قۇتتىقتادى دەپ حابارلايدى aqorda.kz سايتى.  

«قازاقستاندىقتار سەنىڭ ونەرىڭدى زور قىزىعۋشىلىقپەن جانە ۇلكەن ۇمىتپەن تاماشالادى. سەن ولاردىڭ ءۇمىتىن تولىق اقتادىڭ. جوعارى سپورتتىق شەبەرلىگىڭ، جانكەشتىلىگىڭ مەن اسقان ەرىك-جىگەرىڭ ساعان قيىن سايىستا مىقتى قارسىلاستاردى جەڭىپ شىعىپ، قازاقستاننىڭ وليمپيادالىق كومانداسىنا العاشقى التىن مەدالدى اپەرۋگە كومەكتەستى. سەنىڭ جەڭىسىڭ ەلدىڭ جاس سپورتشىلارى ءۇشىن لايىقتى ۇلگى بولارى انىق»، – دەلىنگەن جەدەلحاتتا.

نۇرسۇلتان نازارباەۆ سپورتشىعا جاڭا جەڭىس پەن جەتىستىكتەر تىلەدى.

مەملەكەت باسشىسى د.ءبالانديندى سۋعا ءجۇزۋ سايىستارىندا جەڭىپ العان التىن مەدالىمەن قۇتتىقتادى.

«سەنىڭ جارقىن جەڭىسىڭ قازاقستاندىقتارعا زور قۋانىش سىيلادى. داڭقتى قارسىلاستارمەن جانكەشتى جانە قيىن سايىستا جەڭىپ العان التىن مەدال – سەنىڭ جوعارى شەبەرلىگىڭنىڭ، ماقساتقا تالپىنۋىڭنىڭ، ەرىك كۇشىڭ مەن قايرات-جىگەرىڭنىڭ كورسەتكىشى. سەنىڭ تەڭدەسسىز تابىسىڭ قازاقستان سپورتىنىڭ شەجىرەسىندە ماڭگىلىك قالادى»، – دەلىنگەن جەدەلحاتتا.

قازاقستان پرەزيدەنتى سپورتشىنىڭ كەلەشەكتە جاڭا بەلەستەردى باعىندىرۋىنا تىلەكتەستىك ءبىلدىردى.

اباي-اقپارات