تۇكياداعى اسكەري توڭكەرىس جاساۋ تالپىنىسى قازاق حالقىن دا بەي-جاي قالدىرمادى. وقيعانىڭ مانىسىنە قاتىستى الەۋمەتتىك جەلىدەگى الەۋەتتىڭ دەپ پىكىرى ەكىگە جارىلدى. بىرەۋلەرى تۇركيا پرەزيدەنتى ەردوعان مەن ەردوعاندى جاقتاپ كوشەگە شىعىپ، تەمىر تانكىگە كەۋدەسىن توسقان ەرجۇرەك حالىقتى جاقتاسا، بازى بىرەۋلەرى «اسكەري توڭكەرىس ەردوعاننىڭ ءوز قولىمەن جاساعان ارەكەتى» دەپ ايىپتاپ، داتتاۋدا.

مەنىڭشە، ەكىنشى توپتاعىلاردىڭ كىمنىڭ جاقتاستارى، كىمنىڭ مۇريدتەرى ەكەنىن شامالاۋعا بولاتىن سەكىلدى. سەبەبى، ەردوعان مەن ەردوعاندى جاقتاعان حالىق بۇل وپاسىزدىقتى مۇحيتتىڭ ءار جاعىندا جاتىپ الىپ، جاماعاتىن اقش-تىڭ پەنسيلۆانيا شتاتىنان باسقارىپ وتىرعان فەتحۋللاھ گۇلەنمەن بايلانىستىرىپ وتىر. ال بۇل جاماعاتتىڭ الەمدەگى ەڭ كوپ مەكتەپتەرى ءبىزدىڭ قازاقستاندا. ولار قازاق-تۇرىك ليتسەيلەرى. سانى، شامامەن، 30-دىڭ ءار جاق-بەر جاعى. سوندىقتان دا، قازاق حالقىن ەردوعانعا قارسى قويىپ، قارا پروپوگاندامەن اينالىسىپ جۇرگەندەردىڭ قاراسى بىزدە دە جەتەرلىك. 

تۇركيا باسپاسوزدەرى وسى ۋاقىتقا دەيىن فەتحۋللاھ گۇلەننىڭ كىم ەكەنىن، ونىڭ انىق بەت-بەينەسى قانداي ەكەنىن جارىسا جازىپ كەلدى. ءتىپتى، ماسسوندىق ۇيىمنىڭ بەلدى مۇشەسى ەكەنىن دە دالەلدەيتىن قۇجاتتاردى كولدەنەڭىنەن تارتۋدا. ونىڭ اكەسى – ارميان، ال شەشەسى  ءبىر ياھۋدي، ال ءوزىنىڭ مۇسىلمان ەمەس، ۆاتيكان كەڭەسىنىڭ ءبىر مۇشەسى ەكەنىن دە جازۋدا. 

فەتحۋللاھ گۇلەندى ءبىر جىلدارى بىزدە دە جاپپاي جاعىمدى كەيىپكەر رەتىندە تانىتۋدا ۇلكەن جۇمىستار جۇرگىزىلگەن ەدى. كىتاپتارى قازاقشاعا اۋدارىلىپ، دوكتور-پروفەسسورلارىمىزعا دەيىن وعان ماداق-ودالارىن ارناپ كەتكەن بولاتىن. سول اعالارىمىزدىڭ گۇلەندى جەتە تانىپ-بىلگەندەرىنەن كۇمانىم بار. ولاردى گۇلەندى جاقتاپ سويلەتىپ قويعان، ارينە، مۇريدتەرى ەكەنى بەسەنەدەن بەلگىلى. سەبەبى، بىزدەگى گۇلەن مەكتەپتەرىنەن ءبىتىرىپ شىققان تۇلەكتەر مۇنداي ماداق ايتقىزۋعا ماشىقتانعان ازاماتاتار. 

ءبىر تانىسىمنان تۇركياداعى وسى جاماعاتتىڭ ءبىر مۇشەسىنەن قازاقستاننىڭ بەلدى-بەدەلدى جەرلەرىندە «گۇلەنشىلەردىڭ» وتىرعانىن، سوندىقتان دا بۇل ەلدەگى قىزمەتتەرىنىڭ بولاشاعى ءۇشىن الاڭداماۋىن ايتقانىن ەستىپ، ەرتەڭگى كۇنى بۇلاردىڭ دا تۇركياداعىداي پاراللەل ءبىر ۇكىمەت جاساقتاپ شىقپاسىنا كىم كەپىل دەگەن ويدا قالعان بولاتىنمىن. 

ايتپاقشى، بىلتىر فەتحۋللاھ گۇلەن «گاندي بەيبىتشىلىك ناگراداسىمەن» ماراپاتتالعان بولاتىن. بۇل ناگرادانى العانداردىڭ قاتارىندا ميحايل گورباچەۆ تا بار. ال م.گورباچەۆتىڭ كسرو-نى قۇلاتىپ كەتكەنىن بىلەمىز. ارينە، ونىڭ بۇل ارەكەتىنە ءبىز ريزامىز. سەبەبى، تاۋەلسىزدىگىمىزدى الدىق. ال ەندى فەتحۋللاھ گۇلەنگە نە ءۇشىن بەرىلدى دەپ ويلايسىز بۇل ناگرادا؟ تۇركيا مەن تۇرىك الەمىن بولشەكتەپ تاستاۋ ءۇشىن بە ەكەن دەگەن وي تۋادى كەيدە...

قىسقاسى، مەملەكەت بۇگىندە سالافيزممەن باس قاتىرىپ جاتقاندا گۇلەنيزم-ءدى دە ۇمىتىپ كەتپەسە ەكەن دەيمىن. سەبەبى، ولاردىڭ مۇريدتەرى ەلىمىزدىڭ بارلىق ايماعىنداعى مەكتەپتەرىنەن تاربيەلەنىپ شىعۋدا...

مومىن مۇسىلمانوۆ

Abai.kz